ചെറുവത്തൂർ: ലോക്ക്ഡൗണിൽ ഇളവ് വരുത്തിയിട്ടും ചെറുവത്തൂർ ടൗൺ സാധാരണ പോലെയായില്ല. ആളുകൾ സാധാരണ പോലെ ടൗണിൽ എത്തി തുടങ്ങിയില്ല. ഭൂരിഭാഗം കടകളും ഇനിയും തുറന്ന് പ്രവർത്തനം തുടങ്ങിയില്ല. തുറന്നവയിൽ തന്നെ ആവശ്യക്കാർ വേണ്ടത്ര എത്തുന്നുമില്ല. ചെറുവത്തൂരിൽ നിന്നും മടക്കര, പടന്ന, കയ്യൂർ, ചീമേനി ഭാഗങ്ങളിലേക്ക് പുറപ്പെടുന്ന സ്വകാര്യ ബസ്സുകൾ ഇനിയും സർവീസ് തുടങ്ങിയില്ല. റിക്ഷകളും എണ്ണത്തിൽ കുറവാണ്. ബാർബർ ഷോപ്പുകളിൽ കഴിഞ്ഞാഴ്ച ആൾക്കാർ എത്തിയിരുന്നെങ്കിലും ഈയാഴ്ച വളരെ മോശമാണ്. ചെറുവത്തൂർ പഞ്ചായത്തിലെ തുരുത്തി, കുട്ടമത്ത് എന്നിവിടങ്ങളിൽ കോവിഡ് റിപ്പോർട്ട് ചെയ്തതിനെ തുടർന്ന് ഈ ഭാഗങ്ങളിലേക്കുള്ള യാത്രാമാർഗം അടച്ചിട്ടിട്ടുമാണ്.ഒരു ഹോട്ടൽ മാത്രമാണ് പാർസൽ ഭക്ഷണം നൽകി പ്രവർത്തനം തുടങ്ങിയത്.ഇവിടെയും ഉണ്ടാക്കുന്ന ഭക്ഷണം മുഴുവൻ തീരാത്ത സ്ഥിതിയുമാണ്.സാധാരണ നിലയിലെത്താൻ ഇനിയുമെത്രനാൾ കാത്തിരിക്കണമെന്നാണ് വ്യാപാരികളുടെ ചോദ്യം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.