മഞ്ചേശ്വരം: കുട്ടികളെയുംകൊണ്ട് സ്കൂളിലേക്ക് പോവുകയായിരുന്ന സ്വകാര്യ സ്കൂള്‍ ബസ് തകരാറുമൂലം റെയില്‍വേ ട്രാക്കില്‍ കുടുങ്ങി. വ്യാഴാഴ്ച രാവിലെ ഒമ്പതരക്ക് ഹൊസങ്കടി റെയില്‍വേ ഗേറ്റിലാണ് സംഭവം.ആനക്കല്ല് ഭാഗത്തുനിന്ന് മഞ്ചേശ്വരത്തെ സ്വകാര്യ സ്കൂളിലേക്ക് പോവുകയായിരുന്ന ബസാണ് ട്രാക്കില്‍ കുടുങ്ങിയത്. 60 കുട്ടികളായിരുന്നു ബസിലുണ്ടായിരുന്നത്. തിരുവനന്തപുരം-മംഗളൂരു മലബാര്‍ എക്സ്പ്രസ് കടന്നുപോയി ഗേറ്റ് തുറന്നപ്പോഴാണ് ബസ് ട്രാക്കിലേക്കെടുത്തത്. ബസിന്‍െറ തകരാറുമൂലം എന്‍ജിന്‍ നിലച്ചു. മംഗളൂരു ഭാഗത്തുനിന്ന് ചരക്കുവണ്ടി വരാനുള്ള സമയമായിരുന്നു അത്. സ്ഥലത്തുണ്ടായിരുന്ന നാട്ടുകാരും ഡ്രൈവറും ചേര്‍ന്ന് ബസ് തള്ളി ട്രാക്കില്‍നിന്ന് റോഡിലേക്ക് മാറ്റുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.