കൂത്തുപറമ്പ്: താലൂക്ക് ആശുപത്രിയിൽ നവീകരിച്ച അത്യാഹിതവിഭാഗം, ഫാർമസി, ലാബ്, ലേബർ റൂം എന്നിവയുടെ ഉദ്ഘാടനം ഞായറാ ഴ്ച വൈകീട്ട് മൂന്നിന് നടക്കും. ആരോഗ്യമന്ത്രി കെ.കെ. ശൈലജ ടീച്ചർ ഉദ്ഘാടനം നിർവഹിക്കുമെന്ന് കൂത്തുപറമ്പ് നഗരസഭ ചെയർമാൻ എം. സുകുമാരനും താലൂക്ക് ആശുപത്രി സൂപ്രണ്ട് ഡോ. എം.പി. ജീജയും വാർത്താസമ്മേളനത്തിൽ അറിയിച്ചു. ബി.പി.സി.എല്ലിൻെറ ഫണ്ടുപയോഗിച്ചാണ് ഒരുകോടി 20 ലക്ഷം രൂപ ചെലവിൽ സൗകര്യങ്ങൾ ഒരുക്കിയിട്ടുള്ളത്. താലൂക്ക് ആശുപത്രിയിൽ പ്രവർത്തിക്കുന്ന ഡയാലിസിസ് സൻെററിൻെറ രണ്ടാമത് ഷിഫ്റ്റിൻെറ ഉദ്ഘാടനം കെ. മുരളീധരൻ എം.പിയും നിർവഹിക്കും. നഗരസഭ വൈസ് ചെയർപേഴ്സൻ എം.പി. മറിയംബീവി, കൗൺസിലർ വി. രാമകൃഷ്ണൻ എന്നിവരും വാർത്താസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.