കൂത്തുപറമ്പ്: ആയിത്തറയിൽ പുഴയുടെ കരയിടിഞ്ഞ് റോഡ് അപകടാവസ്ഥയിലായി. മിന്നിപീടികക്ക് സമീപത്തെ കലിക്കോട് റോഡാണ് അപകടാവസ്ഥയിലായത്. കഴിഞ്ഞ ദിവസം പെയ്ത കനത്ത മഴയെ തുടർന്നാണ് റോഡ് തകർന്നത്. ആയിത്തറ മിന്നി പീടികയിൽ നിന്നും ചിറ്റാരിപ്പറമ്പ് മുടപ്പത്തൂർ ഭാഗത്തേക്ക് പുഴക്കരയിലൂടെ പോകുന്ന റോഡാണ് തകർന്നത്. 500 മീറ്ററോളം നീളത്തിൽ റോഡരികിലെ മണ്ണ് പുഴയിലേക്ക് ഒഴുകി പ്പോയി. ഇതുവഴിയുള്ള വാഹന ഗതാഗതം തടസ്സപ്പെട്ടിരിക്കുകയാണ്. 60 വീട്ടുകാരാണ് ഈ റോഡിനെ ആശ്രയിക്കുന്നത്. വിവരമറിഞ്ഞ് മാങ്ങാട്ടിടം പഞ്ചായത്ത് അധികൃതർ സ്ഥലത്തെത്തി. ഇറിഗേഷൻ വകുപ്പിെൻറ ശ്രദ്ധയിൽപ്പെടുത്തിയിട്ടുണ്ടെന്നും എം.എൽ.എ ഫണ്ട് ഉപയോഗപ്പെടുത്തി പരിഹാരം കാണുമെന്നും പ്രസിഡൻറ് കെ. പ്രസീത പറഞ്ഞു. ബ്ലോക്ക് പഞ്ചായത്ത് വൈസ് പ്രസിഡൻറ് ആർ. ഷീല, ഷാജി കരിപ്പായി, കെ.ഷിബു, ഒ. ഗംഗാധരൻ എന്നിവരും കൂടെയുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.