പയ്യന്നൂർ: നീറ്റ് എൻട്രൻസ് പരീക്ഷക്കെത്തിയ വിദ്യാർഥിനിയുടെ അടിവസ്ത്രമഴിപ്പിച്ച സംഭവത്തിൽ പ്രതിഷേധിച്ച് ഡി.വൈ.എഫ്.ഐ മാടായി ബ്ലോക്ക് കമ്മിറ്റി കുഞ്ഞിമംഗലം കൊവ്വപ്പുറത്തെ ടിസ്ക് ഇംഗ്ലീഷ് മീഡിയം സ്കൂളിലേക്ക് പ്രതിഷേധ മാർച്ച് നടത്തി. കേന്ദ്ര കമ്മിറ്റി അംഗം പി.പി. ദിവ്യ ഉദ്ഘാടനം ചെയ്തു. സംസ്ഥാന കമ്മിറ്റി അംഗം എം.വി. രാജീവൻ, വരുൺ ബാലകൃഷ്ണൻ, കെ. സജിത്ത്, എം.വി. സന്തോഷ്, ടി.വി. സന്തോഷ്, കെ. വിദ്യ, കെ.പി. ദീപ, കെ. മനോജ് എന്നിവർ സംസാരിച്ചു. കെ.വി. സന്തോഷ് സ്വാഗതം പറഞ്ഞു. നീറ്റ് പരീക്ഷക്കെത്തിയ വിദ്യാർഥിനികളെ മെറ്റൽ ഡിറ്റക്ടർ ഉപയോഗിച്ച് പരിശോധിക്കുകയും പെൺകുട്ടിയുടെ ലോഹ കൊളുത്തുള്ള അടിവസ്ത്രം അഴിച്ച് മാറ്റുകയും ചെയ്തിരുന്നു. അധികൃതരുടെ നടപടിയിൽ പ്രതിഷേധിച്ച് പരീക്ഷാ ഹാളിനു പുറത്ത് രക്ഷിതാക്കൾ പ്രതിഷേധിച്ചിരുന്നു. സംഭവത്തെ തുടർന്നാണ് മാർച്ച് നടത്തിയത്. സ്കൂൾ ഗേറ്റിന് മുന്നിൽ തളിപ്പറമ്പ് ഡിവൈ.എസ്.പി സുരേന്ദ്രെൻറ നേതൃത്വത്തിൽ പൊലീസ് മാർച്ച് തടഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.