തലശ്ശേരി: ബൈക്കിൽ വീട്ടിലേക്ക് പോവുകയായിരുന്ന കെ.എസ്.യു നേതാവിെൻറ കൈകാലുകൾ ഇരുമ്പുവടിയും സൈക്കിൾ ചെയിനുമുപയോഗിച്ച് തല്ലിയൊടിച്ചു. ബൈക്കും തകർത്തു. കണ്ണൂർ എസ്.എൻ കോളജ് വിദ്യാർഥിയും കെ.എസ്.യു തലശ്ശേരി ബ്ലോക്ക് വൈസ് പ്രസിഡൻറുമായ ചൊക്ലി കവിയൂരിലെ വണ്ണത്താൻ വീട്ടിൽ അക്ഷയ്(20) ആണ് ആക്രമിക്കപ്പെട്ടത്. എസ്.എൻ കോളജ് യൂനിറ്റ് മുൻ സെക്രട്ടറിയായിരുന്നു. ഇടതുകൈയുടെ എല്ല് തകർന്ന അക്ഷയിനെ തലശ്ശേരി ഇന്ദിരാഗാന്ധി സഹകരണ ആശുപത്രിയിൽ അടിയന്തര ശസ്ത്രക്രിയക്ക് വിധേയനാക്കി. ചൊക്ലി കവിയൂർ ബണ്ട് റോഡിലെ വിജനമായ സ്ഥലത്ത് കാറിലെത്തിയ സംഘം തടഞ്ഞുനിർത്തി ആക്രമിക്കുകയായിരുന്നു. ചൊക്ലിയിൽ ക്യാമ്പ് ചെയ്യുന്ന എസ്.എഫ്.ഐ, സി.പി.എം പ്രവർത്തകരാണ് ആക്രമിച്ചതെന്ന് അക്ഷയ് പരാതിയിൽ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.