ഓഫിസിൽ സ്ഥാപിച്ചിരുന്ന സി.സി ടി.വിയിൽ മോഷണം നടത്തുന്ന ദൃശ്യങ്ങൾ ലഭിച്ചിരുന്നു തൊടുപുഴ: തീപ്പെട്ടിക്കമ്പനി ഓഫിസ് കുത്തിപ്പൊളിച്ച് കവർച്ച നടത്തിയ സംഭവത്തിൽ പ്രതി പൊലീസ് കസ്റ്റഡിയിലായതായി സൂചന. മങ്ങാട്ടുകവല കെ.കെ.ആർ ലിങ്ക് റോഡിൽ പ്രവർത്തിക്കുന്ന കെ.കെ.ആർ മാച്ചസിൽനിന്ന് കഴിഞ്ഞദിവസം ഓഫിസ് കുത്തിപ്പൊളിച്ച് 16,000 രൂപയാണ് മോഷണംപോയത്. ഓഫിസിൽ സ്ഥാപിച്ചിരുന്ന സി.സി ടി.വിയിൽ മോഷണം നടത്തുന്ന ദൃശ്യങ്ങൾ ലഭിച്ചിരുന്നു. തുടർന്ന് നടത്തിയ പരിശോധനയിലാണ് പ്രതിയെന്ന് സംശയിക്കുന്ന ഒരാളെ പൊലീസ് കസ്റ്റഡിയിൽ എടുത്തത്. കൃത്യത വരുത്താൻ ദൃശ്യങ്ങൾ വിദഗ്ധ പരിശോധനക്ക് അയച്ചിരിക്കുകയാണ്. വിരലടയാള വിദഗ്ധരുടെ പരിശോധനയും കഴിഞ്ഞതിനുശേഷം മാത്രമേ അറസ്റ്റ് രേഖപ്പെടുത്തൂ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.