വണ്ടിപ്പെരിയാര്: ഹാരിസണ് മലയാളം പ്ളാന്േറഷന് തേയില ഫാക്ടറി അടച്ചുപൂട്ടിയതില് പ്രതിഷേധിച്ച് തൊഴിലാളികള് ആരംഭിച്ച സമരം അഞ്ചുദിവസം പിന്നിട്ടു. ഉല്പാദനച്ചെലവ് വര്ധിക്കുന്നതിനാല് നഷ്ടം വരുന്നെന്ന് ചൂണ്ടിക്കാട്ടിയാണ് മൂങ്കലാര് ഫാക്ടറി പ്രവര്ത്തനം നിര്ത്തിവെച്ചത്.സി.ടി.സി ഇനത്തില് മികച്ച തേയിലപ്പൊടി ഉല്പാദിപ്പിച്ചുവന്ന ജില്ലയിലെ ഏറ്റവും പഴക്കം ചെന്ന ഫാക്ടറികളിലൊന്നായിരുന്നു ഇത്. മൂന്ന് ഷിഫ്റ്റുകളിലായി180 തൊഴിലാളികളാണ് പണിയെടുത്തിരുന്നത്. ഫാക്ടറിയുടെ പ്രവര്ത്തനം നിലച്ചതിനാല് തൊഴിലാളികള് പ്രതിസന്ധിയിലാണ്. മാനേജ്മെന്റിന്െറ കാര്യക്ഷമതക്കുറവാണ് നഷ്ടത്തിന് വഴിവെച്ചതെന്ന് തൊഴിലാളികള് പറഞ്ഞു. പഴക്കം ചെന്ന യന്ത്രങ്ങള് ഉപയോഗിക്കുന്നതിനാല് ഉല്പാദനച്ചെലവ് വര്ധിക്കുന്നത്. പച്ചക്കൊളുന്ത് കൂടുതല് തുകക്ക് പുറത്ത് വിറ്റഴിക്കുന്നതിലൂടെ ലാഭം കൊയ്യാനും ചെലവ് ചുരുക്കല് ഭാഗമായി കമ്പനി നടത്തുന്ന നാടകമാണിതെന്നും തൊഴിലാളികള് ആരോപിച്ചു. പച്ചക്കൊളുന്ത് എടുക്കാന് തൊഴിലാളികള് അനുവദിച്ചില്ല. ഇതിനെതിരെ മാനേജ്മെന്റ് പൊലീസില് പരാതി നല്കി. തിങ്കളാഴ്ച പീരുമേട് ലേബര് ഓഫിസില് നടക്കുന്ന ചര്ച്ചവരെ സമരം തുടരാനാണ് തീരുമാനം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.