നെടുങ്കണ്ടം: തേര്ഡ് ക്യാമ്പില് എന്.ഡി.എ ഓഫിസ് ഇടതുമുന്നണി പ്രവര്ത്തകര് തല്ലിത്തകര്ക്കുകയും പ്രവര്ത്തകരെ മര്ദിക്കുകയും ചെയ്തുവെന്നാരോപിച്ച് എന്.ഡി.എയുടെ നേതൃത്വത്തില് ചൊവ്വാഴ്ച ഉടുമ്പന്ചോല നിയോജക മണ്ഡലത്തില് നടത്തിയ ഹര്ത്താല് ഭാഗികം. കട കമ്പോളങ്ങള് പൂര്ണമായി അടഞ്ഞുകിടന്നു. ബസുകള് സര്വിസ് നടത്തിയില്ല. എന്നാല്, സ്വകാര്യ വാഹനങ്ങളും ടൂറിസ്റ്റ് വാഹനങ്ങളും പതിവുപോലെ സര്വിസ് നടത്തി. മണ്ഡലത്തിലെ പത്ത് പഞ്ചായത്തുകളിലും ഹര്ത്താല് പൂര്ണമായിരുന്നു. കൂട്ടാറില് ബൈക്കില് സഞ്ചരിച്ച മധ്യവയസ്കനെ ഹര്ത്താല് അനുകൂലികള് വടികൊണ്ട് അടിച്ച് പരിക്കേല്പിച്ചതായി പരാതിയുയര്ന്നു. ശാന്തിപുരം അഞ്ചുസെന്റ് കോളനി മുള്ളന്കുടി കുട്ടപ്പനാണ് (50) പരിക്കേറ്റത്. ഇയാള് തൂക്കുപാലത്തെ സ്വകാര്യ ആശുപത്രിയില് ചികിത്സയിലാണ്. എന്.ഡി.എ പ്രവര്ത്തകരായ മൂന്ന് പേര്ക്കെതിരെ കമ്പംമെട്ട് പൊലീസ് കേസെടുത്തു. വിവിധ മേഖലകളില് ഹര്ത്താല് അനുകൂലികള് പ്രകടനം നടത്തി. ടൂറിസ്റ്റ് വാഹനങ്ങള് അടക്കമുള്ളവ തടയാന് ശ്രമം നടത്തിയെങ്കിലും പൊലീസ് ഇടപെട്ട് വാഹനങ്ങള് കടത്തി വിടുകയും ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.