അടിമാലി: വെള്ളിയാഴ്ച അടിമാലിയിലുണ്ടായ കനത്ത മഴയില് വ്യാപകനാശനഷ്ടം. പലയിടത്തും വീടുകളുടെ മുകളിലേക്ക് മരങ്ങള് കടപുഴകി. വൈദ്യുതി തൂണുകള്ക്കു മുകളില് മരം വീണതിനാല് വൈദ്യുതി വിതരണം തടസ്സപ്പെട്ടു. ഗ്രാമീണ റോഡുകളിലെല്ലാം വെള്ളം കയറി യാത്ര ദുഷ്കരമായി. അടിമാലി, മാങ്കുളം, വെള്ളത്തൂവല്, കൊന്നത്തടി, വാത്തിക്കുടി, രാജാക്കാട്, മൂന്നാര്, ദേവികുളം, ബൈസണ്വാലി പഞ്ചായത്തുകളിലാണ് വന് നാശം വിതക്കുന്നത്. കാറ്റിനും മഴക്കും പുറമെ ശക്തമായ ഇടിമിന്നല് കൂടിയായതോടെ ജനം കൂടുതല് ഭീതിയിലായിരിക്കുകയാണ്. മരം വീണെങ്കിലും വീട്ടുകാര് തലനാരിഴക്കാണ് രക്ഷപ്പെട്ടത്. കല്ലാറില് മരം കടപുഴകി വൈദ്യുതി കമ്പികള്ക്ക് മുകളിലേക്ക് വീണു. മരം വീണ് സമീപത്തെ വഴിയാത്രയും തടസ്സപ്പെട്ടു. കമ്പികള് പൊട്ടിവീണതായി വിവരം നല്കിയാലും വൈദ്യുതി വകുപ്പ് അധികൃതര് സ്ഥലത്തത്തൊന് വൈകിയത് നാട്ടുകാരുടെ പ്രതിഷേധത്തിനിടയാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.