റ​മ​ദാ​നി​ൽ സ​ജീ​വ​മാ​കു​ന്ന ദീ​വാ​നി​ക​ൾ...

കു​വൈ​ത്ത് സി​റ്റി: റ​മ​ദാ​ൻ കാ​ല​മാ​കു​ന്ന​തോ​ടെ ഫി​ന്താ​സി​ലെ ഡോ. ​ദാ​ഹ​ർ ബ​ഷ​ർ അ​ൽ അ​നാ​സി​ന്റെ വീ​ട്ടി​ലെ ദീ​വാ​നി​ക​ൾ സ​ജീ​വ​മാ​കും. വൈ​കു​ന്നേ​ര​ത്തോ​ടെ അ​വി​ടേ​ക്ക് ബ​ന്ധു​ക്ക​ളും പു​റം​നാ​ട്ടു​കാ​രാ​യ പ്ര​വാ​സി​ക​ളും വ​ന്നു​ചേ​രും. വ​ർ​ഷ​ങ്ങ​ളാ​യു​ള്ള ക​ണ്ടു​മു​ട്ട​ലു​ക​ളാ​ൽ രൂ​പം​കൊ​ണ്ട ചി​ര​പ​രി​ച​യം സ​ലാം ചൊ​ല്ലി​യും കെ​ട്ടി​പ്പി​ടി​ച്ചും അ​വ​ർ പ​ങ്കു​വെ​ക്കും. പി​ന്നെ ഇ​ഫ്താ​റി​ലേ​ക്കു ക​ട​ക്കും.

കാ​ലം എ​ത്ര​യോ മാ​റി​മാ​റി വ​ന്നി​ട്ടും ഈ ​വീ​ട്ടു​മു​റ്റ​ത്തെ റ​മ​ദാ​ൻ​കാ​ഴ്ച​ക​ൾ​ക്കു മാ​റ്റ​മി​ല്ല. കു​വൈ​ത്തി​യാ​യ ഡോ. ​ദാ​ഹ​ർ ബ​ഷ​റി(അബൂ ബഷർ) ​ന്റെ റ​മ​ദാ​ൻ വൈ​കു​ന്നേ​ര​ങ്ങ​ൾ അ​തു​കൊ​ണ്ടു​ത​ന്നെ വി​വി​ധ ദേ​ശ​ക്കാ​രാ​യ സൗ​ഹൃ​ദ​വ​ല​യ​ത്താ​ൽ സ​ജീ​വ​മാ​ണ്. വി​ശ്വാ​സി​ക​ളെ സം​ബ​ന്ധി​ച്ചി​ട​ത്തോ​ളം ആ​ത്മീ​യ ഉ​ത്സ​വ​മാ​ണ് നോ​മ്പു​കാ​ലം. ദാ​ന​ധ​ർ​മ​ങ്ങ​ള്‍ വ​ർ​ധി​പ്പി​ച്ചും വി​ശ​ക്കു​ന്ന​വ​നെ ഊ​ട്ടി​യും പ്ര​യാ​സം അ​നു​ഭ​വി​ക്കു​ന്ന​വ​രെ സ​ഹാ​യി​ച്ചും മ​ത്സ​രി​ക്കു​ന്ന കാ​ലം. റ​മ​ദാ​നി​ൽ മു​ഴു ദി​വ​സ​വും ഇ​ഫ്താ​ർ ഒ​രു​ക്കു​ന്ന​തി​ലൂ​ടെ ഡോ. ​ദാ​ഹ​ർ ബ​ഷ​ർ ചെ​യ്യു​ന്ന​ത് അ​തു​ത​ന്നെ​യാ​ണ്. വം​ശ, ദേ​ശ​ങ്ങ​ൾ വ്യ​ത്യാ​സ​മി​ല്ലാ​തെ നി​ര​വ​ധി​യാ​യ ജ​ന​ങ്ങ​ൾ​ക്ക് ഇ​ദ്ദേ​ഹം ഭ​ക്ഷ​ണം ഒ​രു​ക്കു​ന്നു. വ്ര​ത​മെ​ടു​ക്കു​ന്ന വി​ശ്വാ​സി​ക്കു​വേ​ണ്ടി​യു​ള്ള ക​രു​ത​ലും പ്രാ​ര്‍ഥ​ന​യു​മാ​യാ​ണ് ഓ​രോ വി​ഭ​വ​വും ഒ​രു​ക്കു​ക. ദാ​ന​ധ​ർ​മ​ങ്ങ​ൾ​ക്കും നോ​മ്പു​തു​റ​ക​ൾ​ക്കും ഇ​സ്‍ലാം ക​ൽ​പി​ക്കു​ന്ന പ്രാ​ധാ​ന്യം പ്ര​വൃ​ത്തി​യി​ലൂ​ടെ പൂ​ർ​ത്തീ​ക​രി​ക്കു​ക​യാ​ണ് ഇ​ദ്ദേ​ഹം.

നോ​മ്പു തു​റ സ​മ​യ​ത്തെ മ​റ്റു​ള്ള​വ​രു​ടെ സ​ന്തോ​ഷ​ത്തി​ൽ പ​ങ്കു​ചേ​ര​ൽ വ​ലി​യ ആ​ത്മ​സം​തൃ​പ്തി ന​ൽ​കു​ന്ന​താ​യി ഡോ. ​ദാ​ഹ​ർ ബ​ഷ​ർ സാ​ക്ഷ്യ​പ്പെ​ടു​ത്തു​ന്നു. 15 വ​ർ​ഷ​മാ​യി അ​ബു ബ​ഷ​ർ ഈ ​പ്ര​വൃ​ത്തി​യി​ൽ ക​ർ​മ​നി​ര​ത​നാ​ണ്. ഉ​ച്ച ക​ഴി​യു​ന്ന​തോ​ടെ നോ​മ്പു​തു​റ വി​ഭ​വ​ങ്ങ​ളൊ​രു​ക്കാ​നു​ള്ള ത​യാ​റെ​ടു​പ്പ് തു​ട​ങ്ങും. വീ​ട്ടി​ല്‍ ത​ന്നെ​യാ​ണ് ഭ​ക്ഷ​ണം ഒ​രു​ക്കു​ന്ന​ത്. വി​ഭ​വ​ങ്ങ​ൾ അ​ഞ്ച​ര​യോ​ടെ ദീ​വാ​നി​യി​ൽ സ​ജ്ജീ​ക​രി​ക്കും. സ​ഹാ​യ​ത്തി​നാ​യി മ​ല​യാ​ളി​ക​ളും ഹി​ന്ദി​ക്കാ​രും അ​ട​ങ്ങു​ന്ന വ​ലി​യ സം​ഘം കൂ​ട്ടി​നു​ണ്ട്. അ​വ​രോ​ടൊ​പ്പം സ​ഹോ​ദ​ര​നും ബ​ന്ധു​ക്കാ​രും പി​ന്നെ അ​തി​ഥി​ക​ളെ സ്വീ​ക​രി​ക്കാ​നു​ള്ള കാ​ത്തി​രി​പ്പി​ലാ​കും.

വ​ന്നു​ചേ​രു​ന്ന അ​റ​ബി​യെ​യും അ​ന​റ​ബി​യെ​യും സ്നേ​ഹ​പു​ഞ്ചി​രി​യോ​ടെ സ്വീ​ക​രി​ച്ച് ദീ​വ​നി​യ​യി​ലേ​ക്ക് ആ​ന​യി​ക്കും. സ്വ​ന്തം കൈ​കൊ​ണ്ടു​ത​ന്നെ എ​ല്ലാ​വ​ർ​ക്കും ഭ​ക്ഷ​ണം വി​ള​മ്പി ന​ല്‍കും. മ​ന​സ്സും വ​യ​റു​നി​റ​ഞ്ഞ് സ​ന്തോ​ഷ​ത്തോ​ടെ ഓ​രോ​രു​ത്ത​രും പ​ടി​യി​റ​ങ്ങു​മ്പോ​ള്‍ യാ​ത്ര​യാ​ക്കാ​നും അ​ബു ബ​ഷ​ർ മു​ന്നി​ലു​ണ്ടാ​കും. നാ​ളെ​യും വ​ര​ണ​മെ​ന്ന സ്നേ​ഹാ​ഭ്യ​ർ​ഥ​ന​യോ​ടെ.