ആംബുലൻസ് പൈലറ്റ് ജിസ് പോളും എമർജൻസി
മെഡിക്കൽ ടെക്നീഷ്യൻ പി.എം. വിഷ്ണുവും
തൃശൂർ: വീട്ടിൽ പ്രസവിച്ച യുവതിക്കും നവജാത ശിശുവിനും രക്ഷകരായി 'കനിവ് 108' ആംബുലൻസ് ജീവനക്കാർ. കുരിയച്ചിറ സ്വദേശിയായ 32കാരിയാണ് ശനിയാഴ്ച പുലർച്ച ഒന്നോടെ വീട്ടിൽ ആൺകുഞ്ഞിന് ജന്മം നൽകിയത്.
പ്രസവവേദന അനുഭവപ്പെട്ട് വീട്ടുകാർ ആശുപത്രിയിലേക്ക് മാറ്റാൻ ശ്രമിക്കുന്നതിനിടെ പ്രസവിച്ചു. തുടർന്ന് വീട്ടുകാർ 108 ആംബുലൻസിന്‍റെ സേവനം തേടി. കൺട്രോൾ റൂമിൽനിന്ന് അത്യാഹിത സന്ദേശം ജില്ല ആശുപത്രിയിലെ 108 ആംബുലൻസിന് കൈമാറി.
പൈലറ്റ് ജിസ് പോൾ, എമർജൻസി മെഡിക്കൽ ടെക്നീഷ്യൻ പി.എം. വിഷ്ണു എന്നിവർ ഉടൻ സ്ഥലത്തെത്തി. വിഷ്ണു അമ്മയും കുഞ്ഞുമായുള്ള പൊക്കിൾക്കൊടി ബന്ധം വേർപെടുത്തി ഇരുവർക്കും പ്രഥമ ശുശ്രൂഷ നൽകിയ ശേഷം ആംബുലൻസിലേക്ക് മാറ്റി. തുടർന്ന് തൃശൂരിലെ സ്വകാര്യ ആശുപത്രിയിൽ എത്തിച്ചു. അമ്മക്കും കുഞ്ഞിനും സുഖമാണെന്ന് ബന്ധുക്കൾ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.