വെറ്ററിനറി സർവകലാശാല വി.സി നിയമനം; ഗവർണറുടെ പ്രതിനിധിയില്ലാതെ 15ന് സെർച്ച്‌ കമ്മിറ്റി യോഗം

തി​രു​വ​ന​ന്ത​പു​രം: വെ​റ്റ​റി​ന​റി സ​ർ​വ​ക​ലാ​ശാ​ല വൈ​സ്​​ചാ​ൻ​സ​ല​റെ തി​ര​ഞ്ഞെ​ടു​ക്കു​ന്ന​തി​ന്​ സ​ർ​ക്കാ​ർ രൂ​പ​വ​ത്​​ക​രി​ച്ച സെ​ർ​ച്ച്​​ ക​മ്മി​റ്റി യോ​ഗം ഈ ​മാ​സം15​ന്​ തി​രു​വ​ന​ന്ത​പു​ര​ത്ത്​ യോ​ഗം ചേ​രും. ചാ​ൻ​സ​ല​റാ​യ ഗ​വ​ർ​ണ​റു​ടെ പ്ര​തി​നി​ധി​യി​ല്ലാ​തെ രൂ​പ​വ​ത്​​ക​രി​ച്ച ​സെ​ർ​ച്ച്​​ ക​മ്മി​റ്റി​യു​ടെ യോ​ഗ​മാ​ണ്​ ചേ​രു​ന്ന​ത്. കേ​ര​ള സ​ർ​വ​ക​ലാ​ശാ​ല മു​ൻ വൈ​സ്​​ചാ​ൻ​സ​ല​ർ ഡോ. ​ബി. ഇ​ക്ബാ​ൽ ചെ​യ​ർ​മാ​നാ​യ ക​മ്മി​റ്റി​യി​ൽ അ​ഞ്ചം​ഗ​ങ്ങ​ളാ​ണു​ള്ള​ത്. നി​യ​മ​സ​ഭ പാ​സാ​ക്കു​ക​യും ഗ​വ​ർ​ണ​ർ രാ​ഷ്ട്ര​പ​തി​ക്ക്​ റ​ഫ​ർ ചെ​യ്ത​തി​നെ തു​ട​ർ​ന്ന്​ ത​ള്ളു​ക​യും ചെ​യ്ത ബി​ല്ലി​ലെ വ്യ​വ​സ്ഥ​ക​ൾ പ്ര​കാ​രം രൂ​പ​വ​ത്​​ക​രി​ച്ച സെ​ർ​ച്ച്​​ ക​മ്മി​റ്റി​യാ​ണ്​ യോ​ഗം ചേ​രു​ന്ന​ത്. അ​തി​നാ​ൽ ചാ​ൻ​സ​ല​റാ​യ ഗ​വ​ർ​ണ​ർ​ക്ക്​ സെ​ർ​ച്ച്​​ ക​മ്മി​റ്റി വി.​സി നി​യ​മ​ന​ത്തി​നു​ള്ള ശി​പാ​ർ​ശ സ​മ​ർ​പ്പി​ച്ചാ​ലും അം​ഗീ​ക​രി​ക്കാ​നി​ട​യി​ല്ല.

ഇ​ക്ബാ​ലി​ന്​ പു​റ​മെ, സം​സ്ഥാ​ന സ​ർ​ക്കാ​റി​ന്‍റെ പ്ര​തി​നി​ധി​യാ​യി കാ​ർ​ഷി​ക സ​ർ​വ​ക​ലാ​ശാ​ല മു​ൻ വി.​സി ഡോ.​പി. രാ​ജേ​ന്ദ്ര​ൻ, സം​സ്ഥാ​ന ഉ​ന്ന​ത വി​ദ്യാ​ഭ്യാ​സ കൗ​ൺ​സി​ൽ പ്ര​തി​നി​ധി ബം​ഗ​ളൂ​രു ഇ​ന്ത്യ​ൻ ഇ​ൻ​സ്റ്റി​റ്റ്യൂ​ട്ട്​ ഓ​ഫ്​ സ​യ​ൻ​സ്​ റി​ട്ട. പ്ര​ഫ​സ​ർ ഡോ. ​രാ​മ​ൻ സു​കു​മാ​ര​ൻ, ഇ​ന്ത്യ​ൻ കൗ​ൺ​സി​ൽ ഓ​ഫ്​ അ​ഗ്രി​ക​ൾ​ച്ച​റ​ൽ റി​സ​ർ​ച്ച്​ പ്ര​തി​നി​ധി ഡോ. ​രാ​ഘ​വേ​ന്ദ്ര ഭ​ട്ട, യു.​ജി.​സി പ്ര​തി​നി​ധി പ്ര​ഫ. നീ​ലി​മ ഗു​പ്ത എ​ന്നി​വ​രാ​ണ്​ ക​മ്മി​റ്റി അം​ഗ​ങ്ങ​ൾ.

നി​ല​വി​ലു​ള്ള വെ​റ്റ​റി​ന​റി സ​ർ​വ​ക​ലാ​ശാ​ല നി​യ​മ​പ്ര​കാ​രം സെ​ർ​ച്ച്​​ ക​മ്മി​റ്റി​യി​ൽ ചാ​ൻ​സ​ല​റു​ടെ പ്ര​തി​നി​ധി വേ​ണം. എ​ന്നാ​ൽ, മു​ൻ ഗ​വ​ർ​ണ​ർ ആ​രി​ഫ്​ മു​ഹ​മ്മ​ദ്​ ഖാ​ൻ അം​ഗീ​കാ​രം ന​ൽ​കാ​തെ രാ​ഷ്ട്ര​പ​തി​ക്ക്​ റ​ഫ​ർ​ചെ​യ്ത ബി​ല്ലി​ലെ വ്യ​വ​സ്ഥ പ്ര​കാ​ര​മു​ള്ള സെ​ർ​ച്ച്​​ ക​മ്മി​റ്റി​യാ​ണ്​ മൃ​ഗ​സം​ര​ക്ഷ​ണ വ​കു​പ്പ്​ രൂ​പ​വ​ത്​​ക​രി​ച്ച്​ ഉ​ത്ത​ര​വി​റ​ക്കി​യി​രു​ന്ന​ത്. നേ​ര​ത്തെ ആ​രി​ഫ്​ മു​ഹ​മ്മ​ദ്​ ഖാ​ൻ ഗ​വ​ർ​ണ​റാ​യി​രി​ക്കെ, സ​ർ​ക്കാ​ർ പ്ര​തി​നി​ധി​യി​ല്ലാ​തെ രൂ​പ​വ​ത്​​ക​രി​ച്ച സെ​ർ​ച്ച്​​ ക​മ്മി​റ്റി ഹൈ​കോ​ട​തി സ്​​റ്റേ ചെ​യ്തി​രു​ന്നു.

സ​മാ​ന്ത​ര​മാ​യി സ​ർ​ക്കാ​ർ രൂ​പ​വ​ത്​​ക​രി​ച്ച സെ​ർ​ച്ച്​​ ക​മ്മി​റ്റി​യാ​ണി​പ്പോ​ൾ യോ​ഗം ചേ​രു​ന്ന​ത്. തി​രു​വ​ന​ന്ത​പു​ര​ത്ത്​ തൈ​ക്കാ​ട്​ ഗ​വ. ഗെ​സ്റ്റ്​ ഹൗ​സി​ലാ​ണ്​ യോ​ഗം നി​ശ്ച​യി​ച്ചി​രി​ക്കു​ന്ന​ത്. വി.​സി നി​യ​മ​ന​ത്തി​ൽ ചാ​ൻ​സ​ല​റാ​യ ഗ​വ​ർ​ണ​ർ​ക്ക്​ കൂ​ടു​ത​ൽ അ​ധി​കാ​ര​ങ്ങ​ൾ ന​ൽ​കു​ന്ന രീ​തി​യി​ൽ യു.​ജി.​സി​യു​ടെ ക​ര​ട്​ റെ​ഗു​ലേ​ഷ​ൻ പ്ര​സി​ദ്ധീ​ക​രി​ച്ച​ത്​ ഏ​റെ വി​വാ​ദ​ത്തി​നി​ട​യാ​ക്കി​യി​രു​ന്നു. അ​ന്തി​മ റെ​ഗു​ലേ​ഷ​ൻ വൈ​കാ​തെ പു​റ​ത്തി​റ​ങ്ങാ​നി​രി​ക്കെ​യാ​ണ്​ സ​ർ​ക്കാ​ർ രൂ​പ​വ​ത്​​ക​രി​ച്ച സെ​ർ​ച്ച്​​ ക​മ്മി​റ്റി യോ​ഗം ചേ​രു​ന്ന​ത്.

വി.​സി​യാ​യി​രു​ന്ന ഡോ. ​എം.​ആ​ർ. ശ​ശീ​ന്ദ്ര​നാ​ഥി​നെ, പൂ​ക്കോ​ട് കോ​ള​ജ് വി​ദ്യാ​ർ​ഥി​യാ​യി​രു​ന്ന ജെ.​എ​സ്. സി​ദ്ധാ​ർ​ഥ​ന്റെ മ​ര​ണ​ത്തെ തു​ട​ർ​ന്ന് ഗ​വ​ർ​ണ​ർ സ​സ്​​പെ​ൻ​ഡ്​ ചെ​യ്തി​രു​ന്നു. സ​ർ​വ​ക​ലാ​ശാ​ല​യി​ലെ ത​ന്നെ പ്ര​ഫ​സ​റാ​യ ഡോ.​കെ.​എ​സ്.​ അ​നി​ലി​നാ​ണ് വി.​സി​യു​ടെ താ​ൽ​ക്കാ​ലി​ക ചു​മ​ത​ല. ക​മ്മി​റ്റി​യു​ടെ ചെ​യ​ർ​മാ​ൻ കൂ​ടി​യാ​യ ഡോ.​ബി. ഇ​ക്ബാ​ൽ പു​റ​പ്പെ​ടു​വി​ച്ച വി​ജ്ഞാ​പ​ന​ത്തി​ന്റെ അ​ടി​സ്ഥാ​ന​ത്തി​ൽ പ​ന്ത്ര​ണ്ടോ​ളം പേ​ർ വി.​സി പ​ദ​വി​യി​ലേ​ക്ക്​ അ​പേ​ക്ഷ സ​മ​ർ​പ്പി​ച്ച​താ​യാ​ണ്​ വി​വ​രം.