13 കാരിയെ പീഡിപ്പിച്ചു; രണ്ടാനച്ഛന് ശിക്ഷ വിധിച്ച് അതിവേഗകോടതി

ഇടുക്കി: 13 കാരിയെ പീഡിപ്പിച്ച രണ്ടാനച്ഛന് ശിക്ഷ വിധിച്ച് അതിവേഗകോടതി. 30 വർഷം തടവും ഒന്നര ലക്ഷം രൂപ പിഴയുമാണ് വിധിച്ചത്. അതോടൊപ്പം പീഡനത്തിനിരയായ പെൺകുട്ടിക്ക് നഷ്ടപരിഹാരമായി ഒരു ലക്ഷം രൂപ നൽകണമെന്നും കോടതി വിധിച്ചു.

രണ്ടാനച്ഛനായ പ്രതി പെൺകുട്ടിയെ നിരന്തരമായി പീഡിപ്പിക്കുകയായിരുന്നു. തുടർന്ന് പെൺകുട്ടി നൽകിയ പരാതിയുടെ അടിസ്ഥാനത്തിലാണ് പൊലീസ് പ്രതിയെ അറസ്റ്റ് ചെയ്തത്. പെൺകുട്ടിയും അനുജത്തിയും മൊഴി നൽകിയിരുന്നെങ്കിലും 13 കാരിയുടെ അമ്മ പ്രതിക്ക് അനുകൂലമായി മൊഴി മാറ്റിയിരുന്നു. എന്നാൽ പ്രതിക്കെതിരെ ചുമത്തിയ വകുപ്പുകൾ സംശയാതീതമായി തെളിഞ്ഞതോടെ കോടതി പ്രതിയെ ശിക്ഷിക്കുകയായിരുന്നു.