പത്തനംതിട്ട: കോവിഡുമായി ബന്ധപ്പെട്ട് നിരീക്ഷണത്തില്‍ ഉണ്ടായിരുന്നവരുടെ പട്ടിക സമൂഹമാധ്യമങ്ങളിലൂടെ പ്രചര ിപ്പിച്ചതിന് പത്തനംതിട്ട പൊലീസ് രജിസ്റ്റര്‍ ചെയ്ത കേസില്‍ ഒരാൾ അറസ്റ്റിൽ. തെള്ളിയൂര്‍ മൃഗാശുപത്രിയില്‍ ലൈവ് സ്റ്റോക്ക് ഇന്‍സ്പെക്ടറായ കോയിപ്രം അശ്വതിഭവനില്‍ മായയെയാണ് പത്തനംതിട്ട പൊലീസ് ഇന്‍സ്പെക്ടര്‍ എസ്. ന്യൂമാെൻറ നേതൃത്വത്തിൽ അറസ്റ്റ് ചെയ്തത്.
പത്തനംതിട്ട കൊറോണ കണ്‍ട്രോള്‍ റൂമില്‍നിന്ന് പുറത്തുവിട്ട പട്ടിക പ്രതി സ്വന്തം വാട്സ്ആപ് നമ്പറില്‍നിന്നും ഇതര ഗ്രൂപ്പുകളിലേക്ക് അയച്ചു കൊടുക്കുകയായിരുന്നു. ജില്ല പൊലീസ് മേധാവിയുടെ നിര്‍ദേശാനുസരണം പൊലീസ് സൈബര്‍ സെല്ലിെൻറ നേതൃത്വത്തില്‍ നടത്തിയ അന്വേഷണത്തില്‍ ഇവരുടെ വാട്സ്ആപ് നമ്പറില്‍നിന്നാണ് പട്ടിക ചോര്‍ന്നതെന്ന് കണ്ടെത്തിയിരുന്നു. കൂടുതലാളുകള്‍ ഉള്‍പ്പെട്ടിട്ടുണ്ടോ എന്നത് അന്വേഷിച്ചുവരുകയാണെന്ന് ജില്ല പൊലീസ് മേധാവി കെ.ജി. സൈമണ്‍ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.