ശൈഖ്​ സായിദ് ചാരിറ്റി മാരത്തൺ: കേരള പതിപ്പിന്​ വേദി കോഴിക്കോട്

തി​രു​വ​ന​ന്ത​പു​രം: യു.​എ.​ഇ സ്ഥാ​പ​ക​നാ​യ ശൈ​ഖ്​ സാ​യി​ദ് ബി​ൻ സു​ൽ​ത്താ​ൻ അ​ൽ ന​ഹ്യാ​ന്റെ സ്മ​ര​ണാ​ർ​ഥം ന​ട​ത്തു​ന്ന ചാ​രി​റ്റി മാ​ര​ത്ത​ണി​ന്റെ 2023 പ​തി​പ്പ് കേ​ര​ള​ത്തി​ൽ ന​ട​ത്താ​ൻ ധാ​ര​ണ​യാ​യി. യു.​എ.​ഇ, ഈ​ജി​പ്ത്, ന്യൂ​യോ​ർ​ക്ക് എ​ന്നി​വി​ട​ങ്ങ​ളി​ൽ ന​ട​ന്നി​ട്ടു​ള്ള മാ​ര​ത്ത​ൺ ആ​ദ്യ​മാ​യാ​ണ് ഇ​ന്ത്യ​യി​ൽ ന​ട​ത്തു​ന്ന​ത്. മ​ല​യാ​ളി​ക​ളും എ​മി​റേ​റ്റി​ക​ളും ത​മ്മി​ലു​ള്ള ഊ​ഷ്മ​ള​മാ​യ ബ​ന്ധ​മാ​ണ് സാ​യി​ദ് മാ​ര​ത്ത​ണി​ന്റെ സം​ഘാ​ട​ക​ർ കേ​ര​ള​ത്തെ തെ​ര​ഞ്ഞെ​ടു​ക്കാ​നു​ള്ള പ്ര​ധാ​ന കാ​ര​ണം.

മു​ഖ്യ​മ​ന്ത്രി പി​ണ​റാ​യി വി​ജ​യ​ന്റെ അ​ധ്യ​ക്ഷ​ത​യി​ൽ തി​രു​വ​ന​ന്ത​പു​ര​ത്ത് ന​ട​ന്ന ഉ​ന്ന​ത​ത​ല​യോ​ഗം പ​രി​പാ​ടി​യു​ടെ ആ​തി​ഥേ​യ ന​ഗ​ര​മാ​യി കോ​ഴി​ക്കോ​ടി​നെ തെ​ര​ഞ്ഞെ​ടു​ത്തി​രു​ന്നു. മ​റൈ​ൻ ഗ്രൗ​ണ്ട് പ്ര​ധാ​ന വേ​ദി​യാ​ക്കി മാ​നാ​ഞ്ചി​റ വ​ഴി അ​ഞ്ച്​ കി​ലോ​മീ​റ്റ​ർ റോ​ഡാ​ണ് ചാ​രി​റ്റി റ​ണ്ണി​നു​ള്ള ട്രാ​ക്കാ​യി ആ​സൂ​ത്ര​ണം ചെ​യ്തി​രി​ക്കു​ന്ന​ത്.

ടൂ​റി​സം മ​ന്ത്രി ചെ​യ​ർ​മാ​നും കാ​യി​ക മ​ന്ത്രി കോ-​ചെ​യ​ർ​മാ​നു​മാ​യി സം​ഘാ​ട​ക സ​മി​തി രൂ​പ​വ​ത്​​ക​രി​ച്ചു. മു​ഖ്യ​മ​ന്ത്രി​യു​ടെ ചീ​ഫ് പ്രി​ൻ​സി​പ്പ​ൽ സെ​ക്ര​ട്ട​റി ഡോ. ​കെ.​എം. എ​ബ്ര​ഹാ​മാ​ണ് പ​രി​പാ​ടി​യു​ടെ ജ​ന​റ​ൽ ക​ൺ​വീ​ന​ർ. മു​ൻ സം​സ്ഥാ​ന പൊ​ലീ​സ് മേ​ധാ​വി ജേ​ക്ക​ബ് പു​ന്നൂ​സ് ചെ​യ​ർ​മാ​നാ​യി വ​ർ​ക്കി​ങ്​ ക​മ്മി​റ്റി​യു​ടെ രൂ​പ​വ​ത്​​ക​ര​ണ​ത്തി​ന് യോ​ഗം അം​ഗീ​കാ​രം ന​ൽ​കി. കേ​ര​ള​ത്തി​ന​ക​ത്തും പു​റ​ത്തു​മു​ള്ള യു​വ​ജ​ന​ങ്ങ​ളും വി​ദ്യാ​ർ​ഥി​ക​ളും ഉ​ൾ​പ്പെ​ടെ സ​മൂ​ഹ​ത്തി​ന്റെ നാ​നാ​തു​റ​ക​ളി​ൽ​നി​ന്ന്​ 18 വ​യ​സ്സ് പൂ​ർ​ത്തി​യാ​യ 20000 ത്തോ​ളം പേ​രെ​യാ​ണ് പ​ങ്കെ​ടു​പ്പി​ക്കാ​ൻ ഉ​ദ്ദേ​ശി​ക്കു​ന്ന​ത്. ഇ​ക്കൊ​ല്ലം ഡി​സം​ബ​റി​ലാ​യി​രി​ക്കും പ​രി​പാ​ടി.