തിരുവനന്തപുരം: സെക്രട്ടേറിയറ്റിലെ നോർത്ത് സാന്‍റ് വിച്ച് ബ്ലോക്കിലുണ്ടായ തീപിടിത്തത്തെ കുറിച്ച് ക്രൈംബ്രാഞ്ച് അന്വേഷിക്കും. ഇതുസംബന്ധിച്ച് സംസ്ഥാന പൊലീസ് മേധാവി അനില്‍ കാന്ത് ഉത്തരവിറക്കി.
ഇന്ന് പുലർച്ചെ വ്യവസായ മന്ത്രി പി. രാജീവിന്‍റെ ഓഫിസിന് സമീപത്തെ അഡീഷണൽ പ്രൈവറ്റ് സെക്രട്ടറി വിനോദിന്‍റെ മുറിയിലാണ് തീപിടിത്തമുണ്ടായത്. അഗ്നിശമനസേനയുടെ രണ്ടു യൂനിറ്റ് സ്ഥലത്തെത്തി തീ അണച്ചു.
തീപിടിത്ത കാരണമോ ഫയലുകൾ കത്തി നശിച്ചോ എന്നത് സംബന്ധിച്ച് വ്യക്തത വന്നിട്ടില്ല. എ.സിയിൽ നിന്ന് തീ പടർന്നതെന്നാണ് പ്രാഥമിക നിഗമനം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.