ദേവികുളം: ദേവികുളം സബ് കലക്ടർ രേണു രാജിനെതിരെ മോശം പരാമർശം നടത്തിയ എസ്. രാജേന്ദ്രൻ എം.എൽ.എയോട് പാർട്ടി വിശദീകര ണം തേടുമെന്ന് സി.പി.എം ഇടുക്കി ജില്ലാ സെക്രട്ടറി കെ.കെ ജയചന്ദ്രൻ. തെറ്റായ പെരുമാറ്റം പാർട്ടിക്ക് അംഗീകരിക്കാനാവില്ല. സബ് കലക്ടറോട് സംസാരിച്ചത് ശരിയായ രീതിയിലാണോ എന്ന് പരിശോധിക്കുമെന്നും കെ.കെ ജയചന്ദ്രൻ മാധ്യമങ്ങളോട് പറഞ്ഞു.
അതേസമയം, എസ്. രാജേന്ദ്രൻ എം.എൽ.എയെ തള്ളി സി.പി.ഐ ഇടുക്കി ജില്ലാ സെക്രട്ടറി രംഗത്തെത്തി. എം.എൽ.എയുടേത് പദവിക്ക് യോജിക്കാത്ത വാക്കുകളാണെന്ന് ജില്ലാ സെക്രട്ടറി കെ.കെ ശിവരാമൻ പറഞ്ഞു. മോശം പരാമർശം നടത്തിയ എം.എൽ.എയെ സി.പി.എം നിയന്ത്രിക്കണം. അനധികൃത നിർമാണത്തിന് കൂട്ടുനിൽക്കുന്നത് അംഗീകരിക്കാനാവില്ല. പഞ്ചായത്ത് നിയമത്തെ വെല്ലുവിളിക്കുകയാണെന്നും ശിവരാമൻ കൂട്ടിച്ചേർത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.