വൈത്തിരി: വയനാട് ചുരത്തിൽ ഒൻപതാം വളവിനു താഴെ തകരപ്പാടിക്കടുത്ത് റോഡ് നവീകരണത്തിനിടെ വശം ഇടിഞ്ഞു. വെള്ളിയാഴ്ച വൈകീട്ട് ഏഴുമണിയോടെയാണ് സംഭവം.
ഇതേ തുടർന്ന് ചുരത്തിലൂടെ പോകുന്ന വാഹനങ്ങൾക്ക് കർശന നിയന്ത്രണം ഏർപ്പെടുത്തി. മണ്ണുമാന്തി യന്ത്രം ഉപയോഗിച്ച് റോഡിന്‍റെ വശത്തെ പണി നടക്കുന്നതിനിടെ ഗർത്തം രൂപപ്പെടുകയായിരുന്നു. ഇതോടെ ഒരു ഭാഗം ഇടിഞ്ഞു.
രാത്രി പത്തു മണിക്ക് ശേഷം യാത്രാനുമതിയുള്ള വലിയ വാഹനങ്ങൾ ചുരത്തിന്‍റെ ഇരുവശത്തുമായി പാർക്ക് ചെയ്തിരിക്കുകയാണ്. ദേശീയ പാത ഉദ്യോഗസ്ഥരും അടിവാരം പൊലീസും ചുരം സംരക്ഷണ സമിതി പ്രവർത്തകരും സ്ഥലത്തുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.