റേഷൻ റൈറ്റ്​ കാർഡ്​ പദ്ധതി; മുഖംതിരിച്ച്​ അന്തർ സംസ്ഥാന തൊഴിലാളികൾ

ആ​ല​പ്പു​ഴ: കേ​ര​ള​ത്തി​ൽ തൊ​ഴി​ൽ​തേ​ടി എ​ത്തു​ന്ന​വ​ർ​ക്ക്​​ റേ​ഷ​ൻ സാ​ധ​ന​ങ്ങ​ൾ ല​ഭ്യ​മാ​ക്കാ​നു​ള്ള ​‘റേ​ഷ​ൻ റൈ​റ്റ്​ കാ​ർ​ഡ്​’ പ​ദ്ധ​തി​യോ​ട്​ മു​ഖം​തി​രി​ച്ച്​ അ​ന്ത​ർ സം​സ്ഥാ​ന തൊ​ഴി​ലാ​ളി​ക​ൾ. ​ആ​ധാ​ർ കാ​ർ​ഡ് സ്വ​ന്തം​നാ​ട്ടി​ലെ റേ​ഷ​ൻ കാ​ർ​ഡു​മാ​യി ബ​ന്ധി​പ്പി​ച്ച​വ​ർ​ക്ക്​ മാ​ത്ര​മാ​ണ്​ റേ​ഷ​ൻ ല​ഭി​ക്കു​ക. എ​ന്നാ​ൽ, തൊ​ഴി​ലാ​ളി​ക​ൾ സ​ഹ​ക​രി​ക്കാ​ത്ത​തി​നാ​ൽ പ​ദ്ധ​തി​യു​മാ​യി മു​ന്നോ​ട്ടു​പോ​കാ​നാ​വാ​ത്ത അ​വ​സ്ഥ​യി​ലാ​ണ് അ​ധി​കൃ​ത​ർ.

ജി​ല്ല​യി​ലെ ആ​റ് താ​ലൂ​ക്കി​ലും റേ​ഷ​ൻ റൈ​റ്റ് കാ​ർ​ഡ്​ പ്ര​വ​ർ​ത്ത​നം പ്ര​തി​സ​ന്ധി​യി​ലാ​ണ്. കാ​ർ​ഡ് എ​ടു​ക്കു​ന്ന​തു​മാ​യി ബ​ന്ധ​പ്പെ​ട്ട തെ​റ്റി​ദ്ധാ​ര​ണ മാ​റ്റാ​ൻ ബോ​ധ​വ​ത്ക​ര​ണം ഉ​ൾ​പ്പെ​ടെ ന​ട​ത്താ​നു​ള്ള ത​യാ​റെ​ടു​പ്പി​ലാ​ണ് സി​വി​ൽ സ​പ്ലൈ​സ് വ​കു​പ്പ്.

‘ഒ​രു രാ​ജ്യം ഒ​രു റേ​ഷ​ൻ കാ​ർ​ഡ്’ പ​ദ്ധ​തി​യു​ടെ ഭാ​ഗ​മാ​യാ​ണ് റേ​ഷ​ൻ റൈ​റ്റ് കാ​ർ​ഡ് ആ​വി​ഷ്ക​രി​ച്ച​ത്. ത​മി​ഴ്, ക​ന്ന​ട, അ​സം, ബം​ഗാ​ൾ, ഒ​ഡി​ഷ ഭാ​ഷ​ക​ളി​ൽ കാ​ർ​ഡ് ത​യാ​റാ​ക്കും. ജി​ല്ല​യി​ൽ ഇ​തു​വ​രെ 173 പേ​ര്‍ക്ക് കാ​ർ​ഡ്​ വി​ത​ര​ണം ചെ​യ്തു.

2013ലെ ​ദേ​ശീ​യ ഭ​ക്ഷ്യ​ഭ​ദ്ര​ത നി​യ​മം അ​നു​സ​രി​ച്ച് ദ​രി​ദ്ര​വി​ഭാ​ഗ​ത്തി​ൽ ഉ​ൾ​പ്പെ​ടു​ന്ന റേ​ഷ​ൻ കാ​ർ​ഡു​ട​മ​ക​ൾ​ക്കും അം​ഗ​ങ്ങ​ൾ​ക്കും ഏ​തു സം​സ്ഥാ​ന​ത്തു​നി​ന്നും അ​വ​രു​ടെ റേ​ഷ​ൻ വി​ഹി​തം കൈ​പ്പ​റ്റാം.

എ​ന്നാ​ൽ, ഇ​ക്കാ​ര്യ​ത്തി​ൽ അ​ന്ത​ർ​സം​സ്ഥാ​ന തൊ​ഴി​ലാ​ളി​ക​ൾ​ക്ക് വേ​ണ്ട​ത്ര പ​രി​ജ്ഞാ​ന​മി​ല്ലെ​ന്ന് ക​ണ്ടെ​ത്തി​യാ​ണ്​ വി​വി​ധ ഭാ​ഷ​ക​ളി​ൽ ത​യാ​റാ​ക്കി​യ റേ​ഷ​ൻ റൈ​റ്റ് കാ​ർ​ഡ് പ​ദ്ധ​തി​ക്ക് സം​സ്ഥാ​ന സ​ർ​ക്കാ​ർ രൂ​പം​ന​ൽ​കി​യ​ത്.

സി​വി​ൽ സ​പ്ലൈ​സ് അ​ധി​കൃ​ത​ർ തൊ​ഴി​ലാ​ളി​ക​ളി​ൽ​നി​ന്ന്​ ശേ​ഖ​രി​ക്കു​ന്ന ആ​ധാ​ർ വി​വ​ര​ങ്ങ​ൾ റേ​ഷ​ൻ സോ​ഫ്റ്റ്​​വെ​യ​റി​ൽ പ​രി​ശോ​ധി​ച്ചാ​ണ് ഇ​വ​രു​ടെ നാ​ട്ടി​ലെ റേ​ഷ​ൻ​കാ​ർ​ഡ് ക​ണ്ടെ​ത്തു​ന്ന​ത്. പേ​രും വി​വ​ര​ങ്ങ​ളും ന​ൽ​കി​യ​ശേ​ഷം ആ​ധാ​ർ ന​മ്പ​ർ പി​ന്നീ​ട് ത​രാ​മെ​ന്ന്​ പ​റ​ഞ്ഞ്​ മു​ങ്ങി​യ തൊ​ഴി​ലാ​ളി​ക​ൾ തി​രി​ച്ചെ​ത്തി​യി​ട്ടി​ല്ല. അ​ഞ്ചു​കി​ലോ റേ​ഷ​ൻ സാ​ധ​ന​ങ്ങ​ളാ​ണ് ല​ഭി​ക്കു​ക.

ആ​ദ്യം സി​വി​ൽ സ​പ്ലൈ​സ് വ​കു​പ്പ് ന​ട​ത്തി​യ വി​വ​ര​ശേ​ഖ​ര​ണ​ത്തി​ൽ തൊ​ഴി​ലാ​ളി​ക​ൾ നി​സ്സ​ഹ​ക​രി​ച്ചി​രു​ന്നു. ജ​ന​പ്ര​തി​നി​ധി​ക​ളു​ടെ​യും തൊ​ഴി​ലാ​ളി​ക​ളു​ടെ ക​രാ​റു​കാ​രു​ടെ​യും സ​ഹ​ക​ര​ണ​ത്തോ​ടെ​യാ​ണ് വി​വ​ര​ങ്ങ​ൾ ശേ​ഖ​രി​ച്ച​ത്.

കൂ​ടു​ത​ൽ കു​ട്ട​നാ​ട്ടി​ൽ; കു​റ​വ്​ ചേ​ർ​ത്ത​ല​യി​ൽ

റേ​ഷ​ൻ ല​ഭി​ക്കാ​ൻ ഏ​റ്റ​വു​മ​ധി​കം തൊ​ഴി​ലാ​ളി​ക​ൾ കാ​ർ​ഡ് ​വാ​ങ്ങി​യ​ത്​ കു​ട്ട​നാ​ട്​ താ​ലൂ​ക്കി​ലാ​ണ്. ഇ​വി​ടെ 61 എ​ണ്ണ​മു​ണ്ട്. അ​റ്​ പേ​ർ​മാ​ത്ര​മു​ള്ള ചേ​ർ​ത്ത​ല താ​ലൂ​ക്കി​ലാ​ണ്​ ഏ​റ്റ​വും കു​റ​വ്. മാ​വേ​ലി​ക്ക​ര- 47, കാ​ര്‍ത്തി​ക​പ്പ​ള്ളി- 34, അ​മ്പ​ല​പ്പു​ഴ- 15, ​ചെ​ങ്ങ​ന്നൂ​ർ- 10 എ​ന്നി​ങ്ങ​നെ​യാ​ണ്​ മ​റ്റ്​ താ​ലൂ​ക്കി​ലെ ക​ണ​ക്ക്. കേ​ര​ള​ത്തി​ൽ​നി​ന്ന് റേ​ഷ​ൻ റൈ​റ്റ് കാ​ർ​ഡ് ഉ​പ​യോ​ഗി​ച്ച് റേ​ഷ​ൻ വാ​ങ്ങി​യാ​ൽ നാ​ട്ടി​ലെ റേ​ഷ​ൻ​കാ​ർ​ഡി​ൽ​നി​ന്നു​ള്ള വി​ഹി​തം കു​റ​യു​മെ​ന്ന് ഭ​യ​ന്നാ​ണ്​ പ​ല​രും ആ​ധാ​ർ ന​മ്പ​ർ ന​ൽ​കാ​ത്ത​ത്.

കൂ​ടു​ത​ൽ അ​ന്ത​ർ സം​സ്ഥാ​ന തൊ​ഴി​ലാ​ളി​ക​ൾ​ക്ക് റേ​ഷ​ൻ കാ​ർ​ഡ് ഉ​റ​പ്പു​വ​രു​ത്താ​ൻ താ​ലൂ​ക്കു​ക​ൾ കേ​ന്ദ്രീ​ക​രി​ച്ച് ക്യാ​മ്പ്​ ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല. സ​ഹ​ക​രി​ച്ച​ത്​ ചു​രു​ക്കം​പേ​ർ മാ​ത്ര​മാ​ണ്. പ​ദ്ധ​തി സം​ബ​ന്ധി​ച്ച വി​ശ​ദീ​ക​ര​ണം പൂ​ർ​ണ​മാ​യ അ​ർ​ഥ​ത്തി​ൽ ഉ​ൾ​ക്കൊ​ള്ളാ​ൻ തൊ​ഴി​ലാ​ളി​ക​ൾ​ക്ക് സാ​ധി​ച്ചി​ട്ടി​ല്ലെ​ന്നാ​ണ്​ അ​ധി​കൃ​ത​രു​ടെ വി​ല​യി​രു​ത്ത​ൽ.