കണ്ണൂർ: ഗവർണർ ആരിഫ് മുഹമ്മദ് ഖാന് നേരെ കണ്ണൂരിൽ കരിങ്കൊടി. കണ്ണൂർ സർവകലാശാലയിൽ നടക്കുന്ന ദേശീയ ചരിത്ര കോൺഗ്രസ് ഉദ്ഘാടനം ചെയ്യാനെത്തിയപ്പോഴാണ് യൂത്ത് കോൺഗ്രസ്-കെ.എസ്.യു പ്രവർത്തകർ കരിങ്കൊടി കാട്ടിയത്. പ്രവർത്തകരെ പൊലീസ് കസ്റ്റഡിയിലെടുത്തു.
കണ്ണൂർ സർവകലാശാല താവക്കര ക്യാമ്പസിൽ നടക്കുന്ന പരിപാടിയിൽ പങ്കെടുക്കാനെത്തിയതായിരുന്നു ഗവർണർ. ഗവർണർ എത്തുന്ന വഴിയിൽ പ്രതിഷേധക്കാർ കരിങ്കൊടിയുമായി നിലയുറപ്പിക്കുകയായിരുന്നു. പി. മുഹമ്മദ് ഷമ്മാസ്, റിജിൽ മാക്കുറ്റി, സുധീപ് ജെയിംസ്, പി.അഭിജിത്ത് തുടങ്ങിയവർ പ്രതിഷേധത്തിന് നേതൃത്വം നൽകി.
സർവകലാശാല പരിസരത്ത് ഗവർണർക്കെതിരെ പ്രതിഷേധിച്ച എം.എസ്.എഫ് പ്രവർത്തകരെയും പൊലീസ് കസ്റ്റഡിയിലെടുത്തു.
പൗരത്വ നിയമഭേദഗതിക്ക് അനുകൂലമായി നിലപാടെടുത്തതിൽ പ്രതിഷേധിച്ചാണ് ഗവർണർക്ക് നേരെ കരിങ്കൊടി കാട്ടിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.