കടുവയുടെ ആക്രമണം: പ്രിയങ്ക ഗാന്ധി രാധയുടെ വീട്ടിലെത്തി

മാ​ന​ന്ത​വാ​ടി: ക​ടു​വ​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട പ​ഞ്ചാ​ര​ക്കൊ​ല്ലി​യി​ലെ രാ​ധ​യു​ടെ വീട് പ്രിയങ്ക ഗാന്ധി എം.പി സന്ദർശിച്ചു. ചൊവാഴ്ച ഉ​ച്ച​ക്ക് രാ​ധ​യു​ടെ വീ​ട്ടി​ലെ​ത്തി​യ അ​വ​ർ അ​ര​മ​ണി​ക്കൂ​റോ​ളം കു​ടും​ബ​ത്തി​ന്റെ കൂ​ടെ ചെ​ല​വ​ഴി​ച്ച ശേ​ഷം വ​ന്യ​ജീ​വി സം​ഘ​ർ​ഷ​വു​മാ​യി ബ​ന്ധ​പ്പെ​ട്ട് ക​ല​ക്ട​റേ​റ്റി​ൽ ചേ​ർ​ന്ന യോ​ഗ​ത്തി​ൽ പ​ങ്കെ​ടു​ത്തു. മ​ല​യോ​ര മേ​ഖ​ല​ക​ളി​ലെ ജ​ന​ങ്ങ​ളു​ടെ പ്ര​ശ്‌​ന​ങ്ങ​ള്‍ പ​രി​ഹ​രി​ക്കാ​ൻ സാ​ധ്യ​മാ​യ​തെ​ല്ലാം ചെ​യ്യു​മെ​ന്ന് പ്രി​യ​ങ്ക യോ​ഗ​ത്തെ അ​റി​യി​ച്ചു.

വ​ന്യ​ജീ​വി ആ​ക്ര​മ​ണം ത​ട​യു​ന്ന​തി​നു​ള്ള സ്ഥി​രം സം​വി​ധാ​നം ഒ​രു​ക്ക​ണ​മെ​ന്നും പ്രി​യ​ങ്ക ഗാ​ന്ധി ആ​വ​ശ്യ​പ്പെ​ട്ടു. യോ​ഗ​ത്തി​നു​ശേ​ഷം ക​ഴി​ഞ്ഞ ദി​വ​സം ആ​ത്മ​ഹ​ത്യ ചെ​യ്ത ഡി.​സി.​സി ട്ര​ഷ​റ​ർ എ​ൻ.​എം. വി​ജ​യ​ന്റെ സു​ൽ​ത്താ​ൻ ബ​ത്തേ​രി​യി​ലെ വീ​ട്ടി​ലെ​ത്തി കു​ടും​ബാം​ഗ​ങ്ങ​ളെ ക​ണ്ടു. തു​ട​ർ​ന്ന് പ്ര​തി​പ​ക്ഷ നേ​താ​വ് വി.​ഡി. സ​തീ​ശ​ൻ ന​യി​ക്കു​ന്ന യു.​ഡി.​എ​ഫ് മ​ല​യോ​ര സ​മ​ര യാ​ത്ര​ക്ക് മേ​പ്പാ​ടി​യി​ൽ ന​ൽ​കി​യ സ്വീ​ക​ര​ണ യോ​ഗ​ത്തി​ൽ പ​ങ്കെ​ടു​ത്ത ശേ​ഷം പ്രി​യ​ങ്ക ഗാ​ന്ധി ഡ​ൽ​ഹി​യി​ലേ​ക്ക് തി​രി​ച്ചു.

അതേസമയം, വ​യ​നാ​ട്ടി​ലെ​ത്തി​യ പ്രി​യ​ങ്ക​ഗാ​ന്ധി എം.​പി​യു​ടെ വാ​ഹ​ന​ത്തി​നു​നേ​രെ ക​രി​ങ്കൊ​ടി കാ​ട്ടി സി.​പി.​എം പ്ര​തി​ഷേ​ധം. ക​ടു​വ​യു​ടെ ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട പ​ഞ്ചാ​ര​ക്കൊ​ല്ലി​യി​ലെ രാ​ധ​യു​ടെ വീ​ട്ടി​ലേ​ക്ക് മ​ട്ട​ന്നൂ​ർ വി​മാ​ന​ത്താ​വ​ള​ത്തി​ൽ​നി​ന്നു റോ​ഡു​മാ​ർ​ഗം വ​രു​ന്ന​തി​നി​ടെ​യാ​ണ് ക​ണി​യാ​ര​ത്തു​വെ​ച്ച് ക​രി​ങ്കൊ​ടി കാ​ട്ടി​യ​ത്. വ​ന്യ​ജീ​വി നി​യ​മം ഭേ​ദ​ഗ​തി ചെ​യ്യു​ക, വ​ന്യ​മൃ​ഗ വി​ഷ​യം പാ​ർ​ല​മെ​ന്റി​ൽ ഉ​ന്ന​യി​ക്കു​ക, വ​യ​നാ​ടി​നെ അ​വ​ഗ​ണി​ക്കു​ന്ന എം.​പി​യു​ടെ നി​ല​പാ​ട് തി​രു​ത്തു​ക തു​ട​ങ്ങി​യ ആ​വ​ശ്യ​ങ്ങ​ളു​മാ​യാ​ണ് പ്ര​തി​ഷേ​ധി​ച്ച​ത്. ക​രി​ങ്കൊ​ടി കാ​ണി​ച്ച​വ​രെ പൊ​ലീ​സ് പി​ടി​ച്ചു​മാ​റ്റി​യാ​ണ് പ്രി​യ​ങ്ക​യു​ടെ വാ​ഹ​ന വ്യൂ​ഹ​ത്തി​ന് വ​ഴി​യൊ​രു​ക്കി​യ​ത്.