മാള: പ്രവാചകൻ മുഹമ്മദിനെ ഫേസ്ബുക്ക് പോസ്റ്റിൽ അപകീർത്തിപ്പെടുത്തിയതിനെതിരെ പരാതി. കൊച്ചുകടവ് ജുമാമസ്ജിദ് മഹല്ല് കമ്മിറ്റിയാണ് കുഴൂർ സ്വദേശി ഐനിക്കൽ പൗലോസിനെതിരെ മാള പൊലീസിൽ പരാതി നൽകിയത്. ഫേസ്ബുക്കിലൂടെ നിരന്തരം അശ്ലീലപ്രയോഗങ്ങൾ നടത്തി ഇസ്ലാംമത വിശ്വാസികളെ വ്രണപ്പെടുത്തിയെന്നാണ് പരാതി.
കുഴൂർ കൊച്ചുകടവ് പ്രദേശത്തെ സമാധാനന്തരീക്ഷം തകർക്കാനാണ് ശ്രമം. മതസൗഹാർദത്തിന് മങ്ങലേൽപ്പിക്കുന്ന പോസ്റ്റുകളാണ് ഇദ്ദേഹം ഫേസ്ബുക്കിൽ പോസ്റ്റ് ചെയ്യുന്നതെന്ന് പരാതിയിൽ ഉന്നയിച്ചു. പരാതിയുടെ അടിസ്ഥാനത്തിൽ കേസെടുക്കുമെന്ന് പൊലീസ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.