തിരുവനന്തപുരം: നാഷനൽ സർവിസ് സ്കീമിെൻറ (എൻ.എസ്.എസ്) സ്ഥാനം കേരളത്തിെൻറ ഹൃദയത്തിലാണെന്ന് മുഖ്യമന്ത്രി പി ണറായി വിജയൻ. എൻ.എസ്.എസിെൻറ സംസ്ഥാന വാർഷികയോഗം ഉദ്ഘാടനം ചെയ്യുകയായിരുന്നു അദ്ദേഹം. നിസ്വാർഥമായ ഇടപെടൽ, സേവന മനോഭാവം തുടങ്ങിയവ എൻ.എസ്.എസിെൻറ പ്രവർത്തനങ്ങളുടെ സവിശേഷതയാണ്. പ്രളയകാലത്ത് എൻ.എസ്.എസ് മികച്ച പ്രവർത്തനം നടത്തി.
എൻ.എസ്.എസ് വിദ്യാർഥികൾ പാടുന്ന ‘മനസ്സ് നന്നാവട്ടെ’ ഗാനം മതനിരപേക്ഷതയുടെ പ്രാധാന്യമാണ് സൂചിപ്പിക്കുന്നത്. ഈ സന്ദേശം കുട്ടികളിലാകെ വളർത്തിയെടുക്കുകയാണ്. നല്ല ഐക്യവും സേവന സന്നദ്ധതയുമുള്ള മറ്റുള്ളവർക്ക് ഉപകരിക്കുന്ന ജീവിതമായി മാറ്റുന്ന തരത്തിലുള്ള പുതുതലമുറയെ വാർത്തെടുക്കാനാണ് എൻ.എസ്.എസ് ഇടപെടുന്നത്.
വിദ്യാഭ്യാസത്തിെൻറ യഥാർഥ ലക്ഷ്യമിതാണ്. ആ പരമപ്രധാന ലക്ഷ്യം നേടിയെടുക്കുന്നതിൽ പ്രത്യേകമായ നിലയിൽ ഇടപെടുകയാണ് എൻ.എസ്.എസ് ചെയ്യുന്നതെന്നും മുഖ്യമന്ത്രി കൂട്ടിച്ചേർത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.