പാലക്കാട്: 17 വയസ്സുകാരൻ അമിതവേഗതയിലോടിച്ച കാറിടിച്ച് സ്കൂട്ടർ യാ ്ത്രക്കാരനായ പാലക്കാട് ഗവ. മെഡിക്കൽ കോളജിലെ യുവ ഡോക്ടർ മരിച്ചു. തൃശൂർ കാനാട്ടുകര സ്വദേശി പാടത്ത് ഹൗസിൽ നാരായണനുണ്ണിയുടെ മകനും പാലക്കാട് മെഡിക്കൽ കോളജിലെ അസിസ്റ്റൻറ് പ്രഫസറുമായ ഡോ. നവീൻകുമാറാണ് (38) മരിച്ചത്. ഭാര്യ ഡോ. ജയശ്രീ (33), മകൻ പാർഥിവ് (ആറ്) എന്നിവരെ പരിക്കേറ്റ് പാലക്കാട്ടെ സ്വകാര്യ ആശുപത്രിയിൽ പ്രവേശിപ്പിച്ചു. ശ
നിയാഴ്ച രാത്രി 10.10ന് നൂറണി പെട്രോൾ പമ്പിന് സമീപത്തായിരുന്നു അപകടം. താമസസ്ഥലമായ മേഴ്സി കോളജിനടുത്തെ വെങ്കിടേശ്വര ഗാർഡൻസിലേക്ക് സ്കൂട്ടറിൽ പോവുകയായിരുന്നു ഡോക്ടറും കുടുംബവും. അമിതവേഗതയിൽ എതിർദിശയിൽ വരികയായിരുന്ന കാർ ഇവർ സഞ്ചരിച്ച സ്കൂട്ടർ ഇടിച്ചുതെറിപ്പിക്കുകയായിരുന്നു.
ഡോക്ടറെ ഉടൻ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. ഒറ്റപ്പാലം ലക്കിടി സ്വദേശി നാലകത്ത് സുലൈമാെൻറ ഉടമസ്ഥതയിലുളള കാർ വാടകക്ക് നൽകിയതായിരുന്നു. വാഹന ഉടമയെയും 17കാരനെയും പ്രതിയാക്കി കേസെടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.