പി.സി ജോർജിനെയും പി. സി. തോമസിനെയും യു.ഡി.എഫിൽ ഉൾപ്പെടുത്തില്ല -എം.എം. ഹസൻ

കോട്ടയം: പി.സി ജോർജിനെയും പി.സി തോമസിനെയും യു.ഡി.എഫിൽ ഉൾപ്പെടുത്തില്ലെന്നും ഇരുവരും ഇപ്പോഴും എൻ.ഡി.എയുടെ ഭാഗമാണെന്നും യു.ഡി.എഫ് കൺവീനർ എം.എം ഹസൻ. പെരുന്നയിൽ എൻ.എസ്.എസ് ജന.സെക്രട്ടറി ജി.സുകുമാരൻ നായരെ സന്ദർശിക്കാനെത്തിയതായിരുന്നു ഹസൻ.

സൗഹൃദ സന്ദർശനത്തിനാണ് എത്തിയത്. യു.ഡി.എഫ് കൺവീനർ പദവി ഏറ്റെടുത്ത ശേഷമുള്ള സന്ദർശനമാണ്, എൻ.എസ്.എസുമായി യു.ഡി.എഫിന് ഊഷ്മള ബന്ധമാണ് ഉള്ളതെന്നും ഹസൻ പറഞ്ഞു. എം.എൽ.എമാരായ തിരുവഞ്ചൂർ രാധാകൃഷ്ണൻ, കെ.സി ജോസഫ് എന്നിവരും ഒപ്പമുണ്ടായിരുന്നു.