കടുവ ആക്രമണം; ഹർത്താൽ പൂർണം

മാ​ന​ന്ത​വാ​ടി: ന​ര​ഭോ​ജി ക​ടു​വ യു​വ​തി​യെ ആ​ക്ര​മി​ച്ച് കൊ​ന്ന സം​ഭ​വ​ത്തി​ൽ വ​നം വ​കു​പ്പ് ക​ടു​വ​യെ പി​ടി​കൂ​ടാ​ത്ത​തി​ലും അ​ർ​ഹ​മാ​യ ന​ഷ്ട പ​രി​ഹാ​രം ന​ൽ​കാ​ത്ത​തി​ലും പ്ര​തി​ഷേ​ധി​ച്ച് മാ​ന​ന്ത​വാ​ടി ന​ഗ​ര​സ​ഭ പ​രി​ധി​യി​ൽ യു.​ഡി.​എ​ഫും എ​സ്.​ഡി.​പി.​ഐ​യും ശ​നി​യാ​ഴ്ച ആ​ഹ്വാ​നം ചെ​യ്ത ഹ​ർ​ത്താ​ൽ പൂ​ർ​ണം. മാ​ന​ന്ത​വാ​ടി ന​ഗ​ര​ത്തി​ൽ ക​ട​ക​മ്പോ​ള​ങ്ങ​ൾ പൂ​ർ​ണ​മാ​യും അ​ട​ഞ്ഞു​കി​ട​ന്നു.

കെ.​എ​സ്.​ആ​ർ.​ടി.​സി​യും സ്വ​കാ​ര്യ ബ​സു​ക​ളും ദീ​ർ​ഘ​ദൂ​ര സ​ർ​വീ​സു​ക​ൾ ന​ട​ത്തി. സ​ർ​ക്കാ​ർ ഓ​ഫി​സു​ക​ൾ സ​മ​രാ​നു​കൂ​ലി​ക​ൾ അ​ട​പ്പി​ച്ചു. മി​നി സി​വി​ൽ സ്റ്റേ​ഷ​നി​ൽ പ്ര​വ​ർ​ത്തി​ക്കു​ന്ന താ​ലൂ​ക്ക് സ​പ്ലൈ ഓ​ഫി​സ് അ​ട​പ്പി​ക്കാ​നു​ള്ള ശ്ര​മ​ത്തി​നി​ടെ സ​മ​ര​ക്കാ​ർ ജീ​വ​ന​ക്കാ​ര​നെ കൈയേ​റ്റം ചെ​യ്ത​താ​യി ആ​രോ​പ​ണ​മു​യ​ർ​ന്നി​ട്ടു​ണ്ട്. പൊ​ലീ​സ് സം​ഘ​ർ​ഷ സാ​ധ്യ​ത മു​ന്നി​ൽക്കണ്ട് വ​ലി​യ സു​ര​ക്ഷ​യാ​ണ് ഒ​രു​ക്കി​യ​ത്.

ജ​ന​ങ്ങ​ൾ ജാ​ഗ്ര​ത പാ​ലി​ക്ക​ണം; അ​ടി​യ​ന്ത​ര​ഘ​ട്ട​ങ്ങ​ളി​ൽ പൊ​ലീ​സി​നെ വി​ളി​ക്കാ​മെ​ന്ന് ജി​ല്ല പൊ​ലീ​സ് മേ​ധാ​വി

മാ​ന​ന്ത​വാ​ടി: ക​ടു​വ സാ​ന്നി​ധ്യ​മു​ള്ള പ്ര​ദേ​ശ​ങ്ങ​ളി​ൽ ജ​ന​ങ്ങ​ൾ കൂ​ടു​ത​ൽ ജാ​ഗ്ര​ത പാ​ലി​ക്ക​ണ​മെ​ന്നും അ​ടി​യ​ന്ത​ര​ഘ​ട്ട​ങ്ങ​ളി​ൽ ആ​വ​ശ്യ​ങ്ങ​ൾ​ക്കാ​യി പൊ​ലീ​സി​നെ വി​ളി​ക്ക​ണ​മെ​ന്നും ജി​ല്ല പൊ​ലീ​സ് മേ​ധാ​വി ത​പോ​ഷ് ബ​സു​മ​താ​രി ഐ.​പി.​എ​സ് അ​റി​യി​ച്ചു.

ക​ടു​വ​യു​ടെ സാ​ന്നി​ധ്യ​മു​ള്ള പ്ര​ദേ​ശ​ങ്ങ​ളി​ൽ ജ​ന​ങ്ങ​ൾ ഒ​ത്തു കൂ​ടു​ന്ന​ത് കൂ​ടു​ത​ൽ അ​പ​ക​ട​ക​ര​മാ​ണ്.

പ്ര​ത്യേ​കി​ച്ച് രാ​ത്രി​കാ​ല​ങ്ങ​ളി​ൽ പു​റ​ത്തി​റ​ങ്ങു​ന്ന​ത് അ​പ​ക​ട​മു​ണ്ടാ​ക്കു​മെ​ന്നും വ​യ​നാ​ട് ജി​ല്ല പൊ​ലീ​സ് മേ​ധാ​വി അ​റി​യി​ച്ചു.

അ​ടി​യ​ന്ത​ര​ഘ​ട്ട​ങ്ങ​ളി​ൽ വി​ളി​ക്കേ​ണ്ട ന​മ്പ​റു​ക​ൾ; ടോ​ൾ ഫ്രീ ​ന​മ്പ​ർ: 112, ത​ല​പ്പു​ഴ പോ​ലീ​സ് സ്റ്റേ​ഷ​ൻ :049-352-56262, ഇ​ൻ​സ്‌​പെ​ക്ട​ർ എ​സ്.​എ​ച്ച്. ഒ: 9497947334, ​മാ​ന​ന്ത​വാ​ടി പൊലീ​സ് സ്റ്റേ​ഷ​ൻ: 04935 240 232, ഇ​ൻ​സ്‌​പെ​ക്ട​ർ എ​സ്.​എ​ച്ച്.​ഒ: 9497987199

ദൗ​ത്യം മൂ​ന്നാം ദി​ന​ത്തി​ലേ​ക്ക് ക​ടു​വ​യു​ടെ ചി​ത്രം കാ​മ​റ​യി​ൽ ഹ​ർ​ത്താ​ലി​നെ തു​ട​ർ​ന്ന് വി​ജ​ന​മാ​യ മാ​ന​ന്ത​വാ​ടി ന​ഗ​രം

മാ​ന​ന്ത​വാ​ടി: പ​ഞ്ചാ​ര​ക്കൊ​ല്ലി​യി​ലെ ന​ര​ഭോ​ജി​ക്ക​ടു​വ​യെ കൂ​ട്ടി​ലാ​ക്കാ​നു​ള്ള വ​നം​വ​കു​പ്പി​ന്റെ ദൗ​ത്യം മൂ​ന്നാം ദി​ന​ത്തി​ലേ​ക്ക്. പ്ര​ദേ​ശ​ത്ത് 29 കാ​മ​റ​ക​ൾ സ്ഥാ​പി​ക്കു​ക​യും ഒ​രു കൂ​ട് സ്ഥാ​പി​ക്കു​ക​യും ചെ​യ്തു.

ശ​നി​യാ​ഴ്ച രാ​വി​ലെ കാ​മ​റ​ക​ൾ പ​രി​ശോ​ധി​ച്ച​തി​നെ തു​ട​ർ​ന്ന് ഒ​രു കാ​മ​റ​യി​ൽ ക​ടു​വ​യു​ടെ ചി​ത്രം പ​തി​ഞ്ഞി​ട്ടു​ണ്ട്. എ​ന്നാ​ൽ ചി​ത്രം പു​റ​ത്ത് വി​ടാ​ൻ വ​നം വ​കു​പ്പ് ത​യാ​റാ​യി​ട്ടി​ല്ല. ഫോ​ട്ടോ പ​രി​ശോ​ധി​ച്ച് ഏ​ത് ഡാ​റ്റാ ബാ​ങ്കി​ൽ​പ്പെ​ട്ട ക​ടു​വ​യാ​ണെ​ന്ന് സ്ഥി​രീ​ക​രി​ക്കാ​നും വ​നം​വ​കു​പ്പി​ന് ആ​യി​ട്ടി​ല്ല. മ​യ​ക്കു​വെ​ടി വെ​ക്കാ​നാ​യി ഡോ. ​അ​ജീ​ഷ് മോ​ഹ​ൻ ദാ​സ്, ഡോ. ​ഇ​ല്യാ​സ് എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘം സ്ഥ​ല​ത്ത് ക്യാ​മ്പ് ചെ​യ്യു​ന്നു​ണ്ട്.

ശ​നി​യാ​ഴ്ച തി​ര​ച്ചി​ലി​ന് 85 വ​ന​പാ​ല​ക​രെ​യാ​ണ് നി​യോ​ഗി​ച്ച​ത്. ഒ​ൻ​പ​ത് കാ​മ​റ​ക​ൾ കൂ​ടി സ്ഥാ​പി​ച്ചു ഇ​തോ​ടെ കാ​മ​റ​ക​ളു​ടെ എ​ണ്ണം 38 ആ​യി. കൂ​ടാ​തെ അ​ഞ്ചാ​മ​തൊ​രു ലൈ​വ് കാ​മ​റ കൂ​ടി സ്ഥാ​പി​ച്ചി​ട്ടു​ണ്ട്. ര​ണ്ടാ​മ​ത്തെ കൂ​ട് കൂ​ടി പ്ര​ദേ​ശ​ത്ത് സ്ഥാ​പി​ച്ചി​ട്ടു​ണ്ട്.