ജി​ല്ല​യെ വ​രു​തി​യി​ലാ​ക്കി വ​ന്യ​മൃ​ഗ​ങ്ങ​ൾ; കാ​ട്ടാ​ന​ക​ളെ തു​ര​ത്താ​ൻ കു​ങ്കി ആ​ന​ക​ൾ ഇ​റ​ങ്ങും

സു​ൽ​ത്താ​ൻ ബ​ത്തേ​രി: വാ​കേ​രി​യി​ലെ മൂ​ട​ക്കൊ​ല്ലി ഭാ​ഗ​ത്ത് ഭീ​തി വി​ത​ക്കു​ന്ന കാ​ട്ടാ​ന​ക​ളെ തു​ര​ത്താ​ൻ കു​ങ്കി​യാ​ന​ക​ൾ ഇ​റ​ങ്ങും. മു​ത്ത​ങ്ങ​യി​ൽ​നി​ന്ന് പ്ര​മു​ഖ എ​ന്ന കു​ങ്കി ആ​ന​യെ മൂ​ട​ക്കൊ​ല്ലി​യി​ലെ​ത്തി​ച്ചി​ട്ടു​ണ്ട്. വെ​ള്ളി​യാ​ഴ്ച​യോ​ടെ ഭ​ര​ത് എ​ന്ന ആ​ന കൂ​ടി​യെ​ത്തി​യാ​ൽ തി​ര​ച്ചി​ൽ ന​ട​ത്താ​നു​ള്ള ഒ​രു​ക്ക​ത്തി​ലാ​ണ് വ​നം വ​കു​പ്പ്. മൂ​ട​ക്കൊ​ല്ലി ഭാ​ഗ​ത്ത് റെ​യി​ൽ വേ​ലി ത​ക​രാ​റി​ലാ​യ ഭാ​ഗം വ​ഴി​യാ​ണ് കാ​ട്ടാ​ന​ക​ൾ നാ​ട്ടി​ലെ​ത്തി​യ​ത്.

ഒ​ന്നി​ൽ കൂ​ടു​ത​ൽ കാ​ട്ടാ​ന​ക​ളാ​ണ് പ്ര​ദേ​ശ​ത്ത് ത​മ്പ​ടി​ക്കു​ന്ന​തെ​ന്ന് നാ​ട്ടു​കാ​ർ പ​റ​യു​ന്നു. ക​ഴി​ഞ്ഞ ദി​വ​സം രാ​ത്രി നി​ര​വ​ധി വീ​ടു​ക​ളു​ടെ മു​റ്റ​ത്ത് കാ​ട്ടാ​ന​ക്കൂ​ട്ടം എ​ത്തി. പ​ക​ൽ​പോ​ലും കാ​ട്ടാ​ന​യെ പേ​ടി​ച്ച് പു​റ​ത്തി​റ​ങ്ങാ​ൻ പ​റ്റാ​ത്ത സ്ഥി​തി​യാ​ണ്. ക​ഴി​ഞ്ഞ​ദി​വ​സം മു​ത്തി​മ​ല അ​ഭി​ലാ​ഷി​നെ​യാ​ണ് കാ​ട്ടാ​ന ആ​ക്ര​മി​ച്ച​ത്. കൈ​ക്കും കാ​ൽ​മു​ട്ടി​നും അ​ര​ക്കെ​ട്ടി​നും പ​രി​ക്കേ​റ്റ അ​ഭി​ലാ​ഷ് സു​ൽ​ത്താ​ൻ ബ​ത്തേ​രി​യി​ലെ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. ഒ​രു ഓ​ട്ടോ​റി​ക്ഷ​യും കാ​ട്ടാ​ന ആ​ക്ര​മി​ച്ചി​രു​ന്നു. അ​ഭി​ലാ​ഷി​നും കാ​ട്ടാ​ന​യു​ടെ ഉ​ട​മ​ക്കും ന​ഷ്ട​പ​രി​ഹാ​രം കൊ​ടു​ക്കു​മെ​ന്നാ​ണ് വ​നം വ​കു​പ്പ് പ​റ​യു​ന്ന​ത്.

ചെ​ത​ല​യം കാ​ടി​നോ​ടു ചേ​ർ​ന്ന പ്ര​ദേ​ശ​മാ​ണ് മൂ​ട​ക്കൊ​ല്ലി. സു​ൽ​ത്താ​ൻ ബ​ത്തേ​രി സ​ത്രം​കു​ന്നു​വ​രെ നീ​ളു​ന്ന റെ​യി​ൽ വേ​ലി മൂ​ട​ക്കൊ​ല്ലി ഭാ​ഗം വ​ഴി​യാ​ണ് ക​ട​ന്നു​പോ​കു​ന്ന​ത്. റെ​യി​ൽ വേ​ലി പ​ല​ഭാ​ഗ​ത്തും കാ​ട്ടാ​ന ത​ക​ർ​ത്ത​നി​ല​യി​ലാ​ണ്. റെ​യി​ൽ വേ​ലി അ​റ്റ​കു​റ്റ​പ്പ​ണി ചെ​യ്താ​ലും വ​ലി​യ പ്ര​യോ​ജ​ന​മു​ണ്ടാ​കി​ല്ലെ​ന്ന് പ്ര​ദേ​ശ​വാ​സി​ക​ൾ ആ​രോ​പി​ക്കു​ന്നു.

വ​ള​ർ​ത്തു പൂ​ച്ച​യെ​ ചെ​ന്നാ​യ്ക്കൂ​ട്ടം ആ​ക്ര​മി​ച്ചു കൊ​ന്നു

പു​ൽ​പ​ള്ളി: വീ​ട്ടു​മു​റ്റ​ത്തു​നി​ന്ന പേ​ർ​ഷ്യ​ൻ പൂ​ച്ച​യെ ചെ​ന്നാ​യ്ക്കൂ​ട്ടം ആ​ക്ര​മി​ച്ചു കൊ​ന്നു. സീ​താ​മൗ​ണ്ട് ഇ​ള​യ​ച്ചാ​നി​യി​ൽ ടോ​മി​യു​ടെ പൂ​ച്ച​ക്കു​ട്ടി​യെ​യാ​ണ് ചെ​ന്നാ​യ്ക്കൂ​ട്ടം കൊ​ന്ന​ത്. 16,000 രൂ​പ വി​ല​യു​ള്ള പൂ​ച്ച​ക്കു​ട്ടി​യാ​യി​രു​ന്നു. സീ​താ​മൗ​ണ്ട് പ്ര​ദേ​ശ​ത്ത് സ​മീ​പ​കാ​ല​ത്താ​യി ചെ​ന്നാ​യ്ക്ക​ൾ വ​ള​ർ​ത്തു​മൃ​ഗ​ങ്ങ​ളെ​യ​ട​ക്കം പി​ടി​കൂ​ടി കൊ​ന്ന സം​ഭ​വ​ങ്ങ​ൾ നി​ര​വ​ധി​യാ​ണ്.

ക​ഴി​ഞ്ഞ മാ​സ​വും ഒ​രു ആ​ടി​നെ ചെ​ന്നാ​യ്ക്കൂ​ട്ടം ആ​ക്ര​മി​ച്ചു കൊ​ന്നി​രു​ന്നു. സ​മീ​പ​ത്തെ തോ​ട്ട​ങ്ങ​ൾ കാ​ടു​മൂ​ടി കി​ട​ക്കു​ക​യാ​ണ്. ക​ർ​ണാ​ട​ക വ​ന​ത്തി​ൽ​നി​ന്നി​റ​ങ്ങു​ന്ന ചെ​ന്നാ​യ്ക്ക​ളാ​ണ് നാ​ട്ടി​ൽ ഭീ​തി പ​ര​ത്തു​ന്ന​ത്. കാ​ടു​മൂ​ടി​യ തോ​ട്ട​ങ്ങ​ൾ വൃ​ത്തി​യാ​ക്കാ​ൻ ന​ട​പ​ടി ഉ​ണ്ടാ​ക​ണ​മെ​ന്നാ​ണ് ആ​വ​ശ്യം.