പു​ലി​ക്കു സ്ഥാ​പി​ച്ച കൂ​ട്ടി​ൽ തെ​രു​വു​നാ​യ് കു​ടു​ങ്ങി

സു​ൽ​ത്താ​ൻ ബ​ത്തേ​രി: പു​ലി​യെ പി​ടി​ക്കാ​ൻ വ​നം വ​കു​പ്പ് സ്ഥാ​പി​ച്ച കൂ​ട്ടി​ൽ വീ​ണ്ടും തെ​രു​വു​നാ​യ് കു​ടു​ങ്ങി. അ​ൽ​പ​സ​മ​യം കൂ​ട്ടി​ൽ ത​ങ്ങി​യ നാ​യ് കൂടുപൊ​ളി​ച്ച് പു​റ​ത്തി​റ​ങ്ങി. ബ​ത്തേ​രി കോ​ട്ട​ക്കു​ന്ന് പോ​ൾ മാ​ത്യൂ​സി​ന്റെ വീ​ടി​നോ​ടു ചേ​ർ​ന്ന് വ​നം വ​കു​പ്പ് സ്ഥാ​പി​ച്ച കൂ​ട്ടി​ൽ ചൊ​വ്വാ​ഴ്ച പു​ല​ർ​ച്ച​യാ​ണ് നാ​യ് ക​യ​റി​യ​തും പു​റ​ത്തി​റ​ങ്ങി​യ​തും.

ര​ണ്ട് തെ​രു​വു​നാ​യ്ക്ക​ളാ​ണെ​ത്തി​യ​ത്. ഒ​രെ​ണ്ണം അ​ക​ത്തു ക​യ​റി. ഇ​തോ​ടെ വാ​തി​ൽ താ​ഴ്ന്നു. അ​ൽ​പ​സ​മ​യം ക​ഴി​ഞ്ഞ് ശാ​ന്ത​നാ​യ​ശേ​ഷം കൂ​ടി​ന്റെ അ​ടി​ഭാ​ഗം ക​ടി​ച്ചു പൊ​ളി​ക്കു​ക​യാ​യി​രു​ന്നു. വ​ലി​യ ദ്വാ​ര​മു​ണ്ടാ​ക്കി നി​ഷ്പ്ര​യാ​സം പു​റ​ത്തേ​ക്കു​പോ​യി.

ക​ഴി​ഞ്ഞ മാ​സം 21നാ​ണ് കൂ​ട് സ്ഥാ​പി​ച്ച​ത്. ഈ ​മാ​സം ര​ണ്ടി​ന് കൂ​ട്ടി​ൽ തെ​രു​വു​നാ​യ് കു​ടു​ങ്ങി​യി​രു​ന്നു. വ​നം വ​കു​പ്പെ​ത്തി​യാ​ണ് തു​റ​ന്നു​വി​ട്ട​ത്. ബ​ത്തേ​രി താ​ലൂ​ക്ക് ആ​ശു​പ​ത്രി സ്ഥി​തി​ചെ​യ്യു​ന്ന ഫെ​യ​ർ​ലാ​ൻ​ഡ്, പ​ട്ടു​രു​പ​ടി, കോ​ട്ട​ക്കു​ന്ന് എ​ന്നി​വി​ട​ങ്ങ​ളി​ൽ ഒ​രു​മാ​സം മു​മ്പ് പു​ലി​ശ​ല്യം രൂ​ക്ഷ​മാ​യി​രു​ന്നു.

കോ​ട്ട​ക്കു​ന്നി​ൽ പോ​ൾ മാ​ത്യൂ​സി​ന്റെ വീ​ടി​നോ​ടു ചേ​ർ​ന്നു​ള്ള കോ​ഴി​ക്കൂ​ട്ടി​ൽ നി​ര​വ​ധി ത​വ​ണ പു​ലി​യെ​ത്തി. കോ​ഴി​ക​ളെ​യും കൊ​ണ്ടു​പോ​യി. നാ​ട്ടു​കാ​ർ സം​ഘ​ടി​ക്കു​മെ​ന്നാ​യ​പ്പോ​ഴാ​ണ് വ​നം വ​കു​പ്പ് കൂ​ടു​വെ​ക്കാ​ൻ ത​യാ​റാ​യ​ത്. കൂ​ട് വെ​ച്ച​തി​നു​ശേ​ഷം പു​ലി കോ​ട്ട​ക്കു​ന്ന് ഭാ​ഗ​ത്തെ​ത്തി​യി​ട്ടി​ല്ല.

കൂ​ടി​ന്റെ ഉ​റ​പ്പി​ൽ സം​ശ​യം

സു​ൽ​ത്താ​ൻ ബ​ത്തേ​രി: ചൊ​വ്വാ​ഴ്ച പു​ല​ർ​ച്ച സു​ൽ​ത്താ​ൻ ബ​ത്തേ​രി കോ​ട്ട​ക്കു​ന്നി​ൽ പു​ലി​യെ പി​ടി​ക്കാ​ൻ വ​നം വ​കു​പ്പ് സ്ഥാ​പി​ച്ച കൂ​ട്ടി​ൽ അ​ക​പ്പെ​ട്ട തെ​രു​വു​നാ​യ് ര​ക്ഷ​പ്പെ​ട്ട സം​ഭ​വ​ത്തി​ൽ കൂ​ടി​ന്റെ ഉ​റ​പ്പ് സം​ബ​ന്ധി​ച്ച് സം​ശ​യം. കൂ​ടി​ന്റെ അ​ടി​ഭാ​ഗ​ത്തെ പ്ലൈ​വു​ഡ് ഷീ​റ്റ് ക​ടി​ച്ചു മു​റി​ച്ചാ​ണ് നാ​യ് പു​റ​ത്തു ക​ട​ന്ന​ത്. പു​ലി ആ​യി​രു​ന്നു​വെ​ങ്കി​ലും ഇ​തേ അ​വ​സ്ഥ ഉ​ണ്ടാ​കു​മെ​ന്നാ​ണ് മ​ന​സ്സി​ലാ​ക്കേ​ണ്ട​ത്. കൂ​ട് ബ​ല​മു​ള്ള​ത​ല്ലെ​ങ്കി​ൽ അ​പ​ക​ട സാ​ധ്യ​ത​യേ​റെ​യാ​ണ്.

ഒ​രു മാ​സ​ത്തോ​ള​മാ​യി മ​ഴ ന​ന​ഞ്ഞ​തി​നാ​ൽ കൂ​ടി​ന​ടി​യി​ലെ പ്ലൈ​വു​ഡി​ന് ബ​ല​ക്ഷ​യം സം​ഭ​വി​ച്ച​താ​കാ​മെ​ന്നാ​ണ് വ​നം ഡി.​എ​ഫ്.​ഒ അ​ജി​ത് കെ. ​രാ​മ​ൻ പ​റ​യു​ന്ന​ത്. കൂ​ട് അ​ടി​യ​ന്ത​ര​മാ​യി മാ​റ്റി സ്ഥാ​പി​ക്കു​മെ​ന്നും അ​ദ്ദേ​ഹം പ​റ​ഞ്ഞു. നി​ല​വി​ൽ ബ​ത്തേ​രി​യി​ൽ വേ​റെ​യും കൂ​ടു​ക​ൾ​വെ​ച്ചി​ട്ടു​ണ്ട്. ഇ​തു​കൂ​ടാ​തെ ചീ​രാ​ൽ, ന​മ്പ്യാ​ർ​കു​ന്ന്, മീ​ന​ങ്ങാ​ടി പ​ഞ്ചാ​യ​ത്തി​ലെ മൈ​ലം​പാ​ടി എ​ന്നി​വി​ട​ങ്ങ​ളി​ലൊ​ക്കെ പു​ലി​ക്കാ​യി കൂ​ട് വെ​ച്ചി​ട്ടു​ണ്ട്.