രാ​ത്രി​യാ​ത്ര നി​രോ​ധ​നം; സ​മ​യവ്യ​ത്യാ​സം ഉ​ട​നി​ല്ലെ​ന്ന് ക​ർ​ണാ​ട​ക

സു​ൽ​ത്താ​ൻ ബ​ത്തേ​രി: ദേ​ശീ​യ​പാ​ത 766ൽ ​ബ​ന്ദി​പ്പൂ​ർ ക​ടു​വ സ​ങ്കേ​ത​ത്തി​ലൂ​ടെ​യു​ള്ള രാ​ത്രി​യാ​ത്ര നി​രോ​ധ​ന സ​മ​യം വൈ​കീട്ട് ആ​റ് മു​ത​ലാ​ക്കു​ന്ന​ത് സം​ബ​ന്ധി​ച്ച തീ​രു​മാ​നം ഉ​ട​നി​ല്ലെ​ന്ന് ക​ർ​ണാ​ട​ക. ബ​ന്ദി​പ്പൂ​ർ ക​ടു​വസ​ങ്കേ​തം ഡ​യ​റ​ക്ട​ർ ഡോ. ​ര​മേ​ശ്കു​മാ​റു​മാ​യി വ​യ​നാ​ട് ചേം​ബ​ർ ഓ​ഫ് കോമേ​ഴ്സ് ഭാ​ര​വാ​ഹി​ക​ൾ ന​ട​ത്തി​യ ച​ർ​ച്ച​യി​ലാ​ണ് ഇ​ക്കാ​ര്യം അ​റി​യി​ച്ച​ത്.

നി​ല​വി​ൽ രാ​ത്രി ഒ​മ്പ​ത് മു​ത​ൽ പു​ല​ർ​ച്ചെ ആ​റു​വ​രെ​യാ​ണ് നി​രോ​ധ​നം. വി​ശ​ദ​മാ​യ ച​ർ​ച്ച​ക​ൾ​ക്കു​ശേ​ഷ​മേ ആ​റ് മു​ത​ലാ​ക്കു​ന്ന തീ​രു​മാ​നം ഉ​ണ്ടാ​കൂ​വെ​ന്നും ക​ടു​വ സ​ങ്കേ​തം ഡ​യ​റ​ക്ട​ർ ഉ​റ​പ്പു​ന​ൽ​കി​യ​താ​യി ച​ർ​ച്ച ന​ട​ത്തി​യ ചേം​ബ​ർ ജ​ന​റ​ൽ സെ​ക്ര​ട്ട​റി മി​ൽ​ട്ട​ൺ ഫ്രാ​ൻ​സീ​സ് പ​റ​ഞ്ഞു. ദി​വ​സ​ങ്ങ​ൾ​ക്ക് മു​മ്പ് വ​ന​മേ​ഖ​ല​യി​ൽ ലോ​റി​യി​ടി​ച്ച് കാ​ട്ടാ​ന ചെരി​ഞ്ഞ പ​ശ്ചാ​ത്ത​ല​ത്തി​ലാ​ണ് യാ​ത്രാ​നി​രോ​ധ​ന സ​മ​യം ദീ​ർ​ഘി​പ്പി​ക്കു​ന്ന​ത് സം​ബ​ന്ധി​ച്ച ച​ർ​ച്ച​ക​ളു​ണ്ടാ​യ​ത്. 

സാ​മ്പ​ത്തി​കമേ​ഖ​ല ത​ക​രു​മെ​ന്ന് സം​ഘ​ട​ന​ക​ൾ

വൈ​കീ​ട്ട് ആ​റു മു​ത​ൽ യാ​ത്ര നി​രോ​ധ​നം വ​ന്നാ​ൽ വ​യ​നാ​ടി​ന്റെ സാ​മ്പ​ത്തി​ക മേ​ഖ​ല പാ​ടേ ത​ക​രു​മെ​ന്ന് വ​യ​നാ​ട് ചേം​ബ​ർ ഉ​ൾ​പ്പെ​ടെ​യു​ള്ള സം​ഘ​ട​ന​ക​ൾ ചൂ​ണ്ടി​ക്കാട്ടി​യി​രു​ന്നു. ക​ടു​വസ​ങ്കേ​തം ഡ​യ​റ​ക്ട​ർ ക​ർ​ണാ​ട​ക സ​ർ​ക്കാ​റി​ന് ശി​പാ​ർ​ശ ന​ൽ​കു​ക​യും ചെ​യ്തി​രു​ന്നു. ഇ​തി​ൽ ആ​ശ​ങ്ക അ​റി​യി​ച്ചാ​ണ് വ​യ​നാ​ട് ചേം​ബ​ർ ഓ​ഫ് കോ​മേ​ഴ്സ് മു​ൻ​കൈ​യെ​ടു​ത്ത് ച​ർ​ച്ച ന​ട​ത്തി​യ​ത്.

വൈ​കീ​ട്ട് ആ​റു മു​ത​ൽ യാ​ത്ര​നി​രോ​ധ​നം ഏ​ർ​പ്പെ​ടു​ത്താ​നു​ള്ള തീ​രു​മാ​നം പി​ൻ​വ​ലി​ക്ക​ണ​മെ​ന്നും വ​യ​നാ​ട് ചേം​ബ​ർ ആ​വ​ശ്യ​പ്പെ​ട്ട​താ​ണ്. തീ​രു​മാ​നം എ​ടു​ക്കു​ന്ന​തി​ന് മു​മ്പ് സം​ഘ​ട​ന​ക​ളു​മാ​യി ച​ർ​ച്ച ന​ട​ത്തു​മെ​ന്നും ആ​ലോ​ച​ന​ക​ൾ​ക്ക് ശേ​ഷ​മെ അ​ന്തി​മ​തീ​രു​മാ​നം എ​ടു​ക്കു​ക​യു​ള്ളൂവെ​ന്നും ക​ടു​വസ​ങ്കേ​തം ഡ​യ​റ​ക്ട​ർ അ​റി​യി​ച്ചു.

വാ​ഹ​ന​ങ്ങ​ളു​ടെ വേ​ഗം കു​റ​ക്കാ​ൻ സ്പീ​ഡ് ബ്രേ​ക്ക​റു​ക​ൾ കൂ​ടു​ത​ൽ സ്ഥാ​പി​ക്കു​ക, കൂ​ടു​ത​ൽ വേ​ഗ നി​യ​ന്ത്ര​ണം ഏ​ർ​പ്പെ​ടു​ത്തി പ്ര​ശ്ന പ​രി​ഹാ​രം കാ​ണാ​മെ​ന്നും ചേം​ബ​ർ നേ​തൃ​ത്വം കൂ​ടി​ക്കാ​ഴ്ച​യി​ൽ നി​ർ​ദേ​ശി​ച്ചു.