ബ​ത്തേ​രി​യി​ലെ ക​രി​വ​ള്ളി​ക്കു​ന്നി​ൽ മാ​ലി​ന്യ​ക്കൂ​മ്പാ​രം; നടപടി സ്വീകരിക്കാതെ അധികൃതർ

സു​ൽ​ത്താ​ൻ ബ​ത്തേ​രി: പ​രി​സ്ഥി​തി മ​ലി​നീ​ക​ര​ണ​മി​ല്ലാ​ത്ത, വൃ​ത്തി​യു​ള്ള ന​ഗ​ര​മെ​ന്നാ​ണ് പൊ​തു​വെ സു​ൽ​ത്താ​ൻ ബ​ത്തേ​രി ന​ഗ​ര​ത്തെ പ​റ​യു​ന്ന​ത്. എ​ന്നാ​ൽ, ന​ഗ​ര​ത്തി​ൽ​നി​ന്ന് നാ​ല് കി​ലോ​മീ​റ്റ​ർ അ​ക​ലെ ക​രി​വ​ള്ളി​ക്കു​ന്നി​ലെ മാ​ലി​ന്യ കേ​ന്ദ്ര​ത്തി​ൽ മാ​ലി​ന്യം കു​ന്നു​കൂ​ടു​ക​യാ​ണ്. വേ​ണ്ട രീ​തി​യി​ലു​ള്ള സം​സ്ക​ര​ണം ഇ​വി​ടെ ന​ട​ക്കു​ന്നി​ല്ലെ​ന്ന​താ​ണ് യാ​ഥാ​ർ​ഥ്യം. പ​രി​സ്ഥി​തി​ക്ക് അ​നു​യോ​ജ്യ​മാ​യ രീ​തി​യി​ൽ വ​ലി​യ പ്ലാ​ന്റ് നി​ർ​മി​ക്കു​മെ​ന്ന് അ​ധി​കൃ​ത​ർ പ​റ​ഞ്ഞി​ട്ടു​ണ്ടെ​ങ്കി​ലും ഒ​ന്നും ന​ട​പ്പാ​യി​ല്ല. ന​ഗ​ര​ത്തി​ൽ​നി​ന്ന് ശേ​ഖ​രി​ക്കു​ന്ന പ്ലാ​സ്റ്റി​ക്ക് ഉ​ൾ​പ്പെ​ടെ​യു​ള്ള മാ​ലി​ന്യ​ങ്ങ​ൾ വ​ർ​ഷ​ങ്ങ​ളാ​യി ക​രി​വ​ള്ളി​ക്കു​ന്നി​ലേ​ക്കാ​ണ് എ​ത്തി​ക്കു​ന്ന​ത്.

ചാ​ക്കു​ക​ളി​ലാ​ക്കി​യും അ​ല്ലാ​തെ​യും ജൈ​വ, അ​ജൈ​വ മാ​ലി​ന്യ​ങ്ങ​ൾ ഇ​വി​ടെ എ​ത്തി​ക്കു​ന്നു​ണ്ട്. പ്ലാ​സ്റ്റി​ക്ക്, അ​ന്ത​ർ സം​സ്ഥാ​ന​ത്തേ​ക്ക് ക​യ​റ്റി​പോ​കു​ക​യാ​ണ് പ​തി​വ്. സ​മ​യ​ബ​ന്ധി​ത​മാ​യി കൊ​ണ്ടു​പോ​കാ​ത്ത​താ​ണ് ക​രി​വ​ള്ളി​ക്കു​ന്നി​ൽ നാ​ട്ടു​കാ​രു​ടെ ഉ​റ​ക്കം കെ​ടു​ത്തു​ന്ന​ത്. ന​ഗ​ര​സ​ഭ​യി​ൽ തെ​രു​വു​നാ​യ്ക്ക​ൾ ഏ​റെ​യു​ള്ള സ്ഥ​ല​മാ​ണ് ക​രി​വ​ള്ളി​ക്കു​ന്ന്. ഇ​വി​ടെ​യു​ള്ള മാ​ലി​ന്യ കേ​ന്ദ്ര​മാ​ണ് ഇ​തി​ന്റെ പ്ര​ധാ​ന കാ​ര​ണം. മാ​ലി​ന്യ കേ​ന്ദ്ര​ത്തി​ന് ചു​റ്റു​മ​തി​ലും മ​റ്റും ഉ​ണ്ടെ​ങ്കി​ലും നാ​യ്ക്ക​ൾ മ​തി​ൽ ചാ​ടി​ക്ക​ട​ന്ന് അ​ക​ത്ത് ക​യ​റും. ച​പ്പു​ച​വ​റു​ക​ൾ വ​ലി​ച്ചു പ​റി​ക്കു​ന്ന​ത് പ​തി​വ് കാ​ഴ്ച​യാ​ണ്. മാ​ലി​ന്യ കേ​ന്ദ്ര​ത്തി​ന്റെ ചു​റ്റു​വ​ട്ട​ത്ത് ഈ​ച്ച ശ​ല്യ​വും വ​ർ​ഷ​ങ്ങ​ളാ​യു​ണ്ട്.

ആ​റ് വ​ർ​ഷം മു​മ്പ് മു​നി​സി​പ്പാ​ലി​റ്റി അ​ധി​കൃ​ത​ർ പ​റ​ഞ്ഞ പ്ലാ​ന്റ് യാ​ഥാ​ർ​ഥ്യ​മാ​യി​രു​ന്നു​വെ​ങ്കി​ൽ മാ​ലി​ന്യ കേ​ന്ദ്ര​ത്തി​ന് ഇ​പ്പോ​ഴു​ള്ള ദു​ര​വ​സ്ഥ ഉ​ണ്ടാ​കി​ല്ലാ​യി​രു​ന്നു എ​ന്നാ​ണ് പ്ര​ദേ​ശ​വാ​സി​ക​ൾ പ​റ​യു​ന്ന​ത്. പ്ലാ​ന്റ് വ​ന്നി​ല്ലെ​ങ്കി​ലും മാ​ലി​ന്യ കേ​ന്ദ്ര​ത്തി​ന് ഇ​ട​ക്കി​ടെ വ​ൻ തു​ക ചെ​ല​വ​ഴി​ക്ക​പ്പെ​ടു​ന്നു​ണ്ട്. അ​തി​ന​നു​സ​രി​ച്ചു​ള്ള വ​ലി​യ മാ​റ്റം ഇ​വി​ടെ ഉ​ണ്ടാ​കു​ന്നു​മി​ല്ല.