വയനാടൻ വനത്തിന്​​ ഭീഷണിയായി അധിനിവേശ സസ്യങ്ങൾ

ക​ൽ​പ​റ്റ: 1100 ച​തു​ര​ശ്ര കി​ലോ​മീ​റ്റ​റോ​ളം നി​ക്ഷി​പ്ത വ​ന​ഭൂ​മി​യു​ള്ള വ​യ​നാ​ട്ടി​ൽ സ്വാ​ഭാ​വി​ക കാ​ടി​ന്​ ഭീ​ഷ​ണി​യാ​യി അ​ധി​നി​വേ​ശ സ​സ്യ​ങ്ങ​ൾ പ​ട​രു​ന്നു. ജി​ല്ല​യു​ടെ ഭൂ​വി​സ്തൃ​തി​യു​ടെ 35 ശ​ത​മാ​ന​മാ​ണ്​ വ​നം. 1956 മു​ത​ലാ​ണ്​ വ​യ​നാ​ട്ടി​ലെ നി​ക്ഷി​പ്ത വ​ന​മേ​ഖ​ല​യി​ലെ സ്വാ​ഭാ​വി​ക വ​ന​ത്തി​ന്​ വ​ൻ​തോ​തി​ൽ നാ​ശം നേ​രി​ടു​ന്ന​ത്.

ഏ​ക​വി​ള​ത്തോ​ട്ട​ങ്ങ​ൾ ഒ​രു​ക്കാ​ൻ തു​ട​ങ്ങി​യ​താ​ണ്​ വ​ന നാ​ശ​ത്തി​ന്‍റെ ആ​രം​ഭം. അ​നി​യ​ന്ത്രി​ത ടൂ​റി​സ​വും കാ​ട്ടു​തീ​യും വ്യാ​പ​ക ക​ന്നു​കാ​ലി മേ​യ്ക്ക​ലും സ്വാ​ഭാ​വി​ക വ​ന​ത്തി​ന്‍റെ നാ​ശ​ത്തി​ന്​ ആ​ക്കം​കൂ​ട്ടി​യ ഘ​ട​ക​ങ്ങ​ളാ​യി. നി​ല​വി​ൽ ജി​ല്ല​യി​ലെ വ​ന​മേ​ഖ​ല നേ​രി​ടു​ന്ന പ്ര​ധാ​ന ഭീ​ഷ​ണി​യാ​ണ്​ അ​ധി​നി​വേ​ശ സ​സ്യ​ങ്ങ​ളു​ടെ അ​തി​വേ​ഗ​ത്തി​ലു​ള്ള വ്യാ​പ​നം. സ്വാ​ഭാ​വി​ക ജൈ​വ​വൈ​വി​ധ്യ​ത്തെ ത​ക​ർ​ക്കു​ന്ന, മ​റ്റ്​ സ​സ്യ​ങ്ങ​ളെ വ​ള​രാ​ൻ അ​നു​വ​ദി​ക്കാ​ത്ത, വി​ഷ​മ​യ​മാ​യ മ​ഞ്ഞ​ക്കൊ​ന്ന പോ​ലു​ള്ള സ​സ്യ​ങ്ങ​ൾ വ​ന​ത്തി​ൽ പി​ടി​മു​റു​ക്കു​ക​യാ​ണ്.

വ​യ​നാ​ട്​ വ​ന്യ​ജീ​വി സ​​ങ്കേ​ത​ത്തി​ന്‍റെ 10 ശ​ത​മാ​നം പ്ര​ദേ​ശം മ​ഞ്ഞ​ക്കൊ​ന്ന​യു​ടെ പി​ടി​യി​ലാ​ണെ​ന്നാ​ണ്​ ഏ​റ്റ​വും ഒ​ടു​വി​ല​ത്തെ ക​ണ​ക്ക്. ക​മ്യൂ​ണി​സ്റ്റ് പ​ച്ച, അ​രി​പ്പൂ തു​ട​ങ്ങി​യ​വ​യും വ​ന​ത്തി​ന്​ ഭീ​ഷ​ണി​യാ​യി പ​ട​രു​ന്നു. മ​ഞ്ഞ​ക്കൊ​ന്ന​യ​ട​ക്കം 22 അ​ധി​നി​വേ​ശ സ​സ്യ​ങ്ങ​ൾ വ​യ​നാ​ട് വ​ന്യ​ജീ​വി കേ​ന്ദ്ര​ത്തി​ൽ കേ​ര​ള വ​ന​ഗ​വേ​ഷ​ണ​കേ​ന്ദ്രം അ​ധി​കൃ​ത​ർ ക​ണ്ടെ​ത്തി​യി​ട്ടു​ണ്ട്. ജി​ല്ല​യി​ലെ വ​ന​മേ​ഖ​ല​യി​ൽ 36,000 ഹെ​ക്ട​ർ യൂ​കാ​ലി​പ്​​റ്റ്​​സ്, തേ​ക്ക്, സി​ൽ​വ​ർ ഓ​ക്ക്​ തു​ട​ങ്ങി​യ ഏ​ക​വി​ള തോ​ട്ട​ങ്ങ​ളാ​ണ്.

കാ​ടി​ന്‍റെ ധ​ർ​മം നി​ർ​വ​ഹി​ക്കു​ന്നി​​ല്ല എ​ന്ന​താ​ണ്​ ജി​ല്ല​യു​ടെ വ​ന​സ​മ്പ​ത്തി​ന്‍റെ മൂ​ന്നി​ലൊ​ന്ന്​ ഭാ​ഗം അ​പ​ഹ​രി​ക്കു​ന്ന ഈ ​തോ​ട്ട​ങ്ങ​ളു​ടെ പ്ര​ത്യേ​ക​ത. മ​നു​ഷ്യ-​വ​ന്യ​ജീ​വി സം​ഘ​ർ​ഷം ജി​ല്ല​യി​ൽ അ​ധി​ക​രി​ക്കാ​നു​ള്ള പ്ര​ധാ​ന കാ​ര​ണ​ങ്ങ​ളി​ലൊ​ന്ന്​ ഏ​ക​വി​ള തോ​ട്ട​ങ്ങ​ളാ​ണെ​ന്ന്​ പ​രി​സ്ഥി​തി പ്ര​വ​ർ​ത്ത​ക​ർ പ​റ​യു​ന്നു. ഏ​ക​വി​ള തോ​ട്ട​ങ്ങ​ൾ ജി​ല്ല​യി​ലു​ണ്ടാ​ക്കി​യ പ​രി​സ്ഥി​തി ആ​​ഘാ​ത​ങ്ങ​ൾ ഇ​തു​വ​രെ ആ​രും പ​ഠ​ന​വി​ധേ​യ​മാ​ക്കി​യി​ട്ടി​ല്ലെ​ന്നും ഇ​വ​ർ ആ​ശ​ങ്ക​പ്പെ​ടു​ന്നു.

പ​ണ്ടു​കാ​ല​ത്ത്​ മാ​വൂ​ർ ​ഗ്വാ​ളി​യോ​ർ റ​യോ​ൺ​സ്​ ക​മ്പ​നി​ക്ക്​ അ​സം​സ്കൃ​ത വ​സ്തു​വാ​യി ഉ​പ​യോ​ഗി​ക്കാ​നാ​ണ്​ വ​യ​നാ​ട്ടി​ലെ സ്വാ​ഭാ​വി​ക വ​നം വ​ൻ​തോ​തി​ൽ ന​ശി​പ്പി​ച്ച്​ യൂ​കാ​ലി​പ്​​റ്റ്​​സ്​ ന​ട്ടു​പി​ടി​പ്പി​ച്ച​ത്. വ​യ​നാ​ട്​ വ​ന്യ​ജീ​വി സ​​​ങ്കേ​തം 333.44 ച​തു​ര​ശ്ര കി​ലോ​മീ​റ്റ​റാ​ണ്. ഇ​തി​ൽ 100 ച​തു​ര​​ശ്ര കി​ലോ​മീ​റ്റ​ർ ഏ​ക​വി​ള തോ​ട്ട​ങ്ങ​ളാ​ണ്.

നി​ക്ഷി​പ്ത വ​ന ഭൂ​വി​സ്തൃ​തി 1956ന്​ ​ശേ​ഷം കു​റ​ഞ്ഞി​ട്ടി​ല്ലെ​ങ്കി​ലും കാ​ടി​ന്‍റെ ശേ​ഷി​യും ഗു​ണ​വും പ​ല കാ​ര​ണ​ങ്ങ​ളാ​ൽ ക്ഷ​യി​ച്ചു​കൊ​ണ്ടി​രി​ക്കു​ക​യാ​ണ്. സാ​മൂ​ഹി​ക വ​ന​വ​ത്​​ക​ര​ണ വി​ഭാ​ഗ​ത്തി​ന്‍റെ നേ​തൃ​ത്വ​ത്തി​ൽ ജി​ല്ല​യി​ലെ വൃ​ക്ഷ ക​വ​ചം വ​ർ​ധി​പ്പി​ക്കാ​നു​ള്ള നി​ര​വ​ധി പ​ദ്ധ​തി​ക​ൾ ന​ട​പ്പാ​ക്കി​യി​ട്ടു​ണ്ടെ​ങ്കി​ലും അ​വ​യൊ​ന്നും ഫ​ല​വ​ത്താ​യി​ട്ടി​ല്ലെ​ന്നാ​ണ്​ പ​രി​സ്ഥി​തി സം​ഘ​ട​ന ഭാ​ര​വാ​ഹി​ക​ൾ ആ​രോ​പി​ക്കു​ന്ന​ത്.

വ​യ​നാ​ട​ൻ കാ​ട്

ഐ​ക്യ​രാ​ഷ്ട്ര സ​ഭ​യു​ടെ 'മ​നു​ഷ്യ​രും ആ​വാ​സ​വ്യ​സ്ഥ​യും' പ​ദ്ധ​തി​യി​ൽ ഇ​ന്ത്യ​യി​ൽ ആ​ദ്യ​മാ​യി പ​രി​ഗ​ണി​ച്ച നീ​ല​ഗി​രി ജൈ​വ മേ​ഖ​ല​യി​ൽ​പെ​ട്ട​താ​ണ്​ വ​യ​നാ​ട്. ക​ടു​വ​ക​ളു​ടെ​യും ഏ​ഷ്യ​ൻ ആ​ന​ക​ളു​ടെ​യും ഏ​റ്റ​വും വ​ലി​യ ആ​വാ​സ വ്യ​വ​സ്ഥ​യാ​ണ്​ നീ​ല​ഗി​രി ജൈ​വ മേ​ഖ​ല. അ​തി​ന്‍റെ അ​വി​ഭാ​ജ്യ ഭാ​ഗ​മാ​ണ്​ വ​യ​നാ​ട​ൻ ഭൂ​പ്ര​ദേ​ശ​ങ്ങ​ൾ. ക​ർ​ണാ​ട​ക, ത​മി​ഴ്​​നാ​ട്​ സം​സ്ഥാ​ന​ങ്ങ​ളി​ലെ ബ​ന്ദി​പ്പൂ​ർ, മു​തു​മ​ല, നാ​ഗ​ർ​ഹോ​ള, ബ്ര​ഹ്മ​ഗി​രി ക​ടു​വ സ​​ങ്കേ​ത​ങ്ങ​ളു​മാ​യും വ​യ​നാ​ട​ൻ കാ​ടു​ക​ൾ അ​തി​ർ​ത്തി പ​ങ്കി​ടു​ന്നു.

ഗു​ണം ബം​ഗ​ളൂ​രു​വി​നും

ബം​ഗ​ളൂ​രു ന​ഗ​ര​ത്തി​ലേ​ക്ക്​ വെ​ള്ളം വി​ത​ര​ണം ചെ​യ്യു​ന്ന കാ​വേ​രി ന​ദി​​യി​ലേ​ക്കു​ള്ള ഏ​റ്റ​വും പ്ര​ധാ​ന ജ​ല​സ്രോ​ത​സ്സാ​ണ്​ വ​യ​നാ​ട​ൻ കാ​ടു​ക​ളി​ൽ​നി​ന്ന്​ ഉ​ദ്​​ഭ​വി​ക്കു​ന്ന ക​ബ​നി ന​ദി.

ചാ​ലി​യാ​ർ പു​ഴ​യു​ടെ പ്ര​ഭ​വ​കേ​ന്ദ്രം വ​യ​നാ​ട​ൻ കാ​ടു​ക​ളി​ലെ ക്യാ​മ​ൽ ഹ​മ്പ്​ പ​ർ​വ​ത​നി​ര​ക​ളി​ൽ​നി​ന്നാ​ണ്. കോ​ഴി​ക്കോ​ട്ടെ ഇ​ര​വ​ഞ്ഞി​പ്പു​ഴ​യു​ടെ​യും ക​ണ്ണൂ​രി​ലെ ബാ​വ​ലി​പ്പു​ഴ​യു​ടെ​യും ജ​ല​സ്രോ​ത​സ്സു​മാ​ണ്​ ​ വ​യ​നാ​ട​ൻ കാ​ടു​ക​ൾ. ഈ ​കാ​ടു​ക​ൾ ന​ശി​പ്പി​ക്ക​പ്പെ​ടു​ന്ന​ത്​ ജി​ല്ല​യെ മാ​ത്ര​മ​ല്ല, സ​മീ​പ ജി​ല്ല​ക​ളി​ലെ​യും സം​സ്ഥാ​ന​ങ്ങ​ളി​ലെ​യും ആ​വാ​സ​വ്യ​വ​സ്ഥ​യെ ബാ​ധി​ക്കും.

കാ​ടി​നെ തി​രി​ച്ചു​പി​ടി​ക്കാ​ൻ

• അ​ധി​നി​വേ​ശ സ​സ്യ​ങ്ങ​ളെ യു​ദ്ധ​കാ​ലാ​ടി​സ്ഥാ​ന​ത്തി​ൽ നീ​ക്കം ചെ​യ്യു​ക

• ഏ​ക​വി​ള​ത്തോ​ട്ട​ങ്ങ​ൾ ഒ​ഴി​വാ​ക്കി അ​വി​ടെ സ്വാ​ഭാ​വി​ക മ​ര​ങ്ങ​ൾ വ​ള​രാ​നു​ള്ള സാ​ഹ​ച​ര്യം ഒ​രു​ക്കു​ക

• കാ​ടി​ന്​ തീ​യി​ടു​ന്ന​തും കാ​ട്ടു​തീ​യും ക​ർ​ശ​ന​മാ​യി ത​ട​യു​ക

• അ​നി​യ​ന്ത്രി​ത വി​നോ​ദ​സ​ഞ്ചാ​രം നി​യ​ന്ത്രി​ക്കു​ക

• കാ​ട്ടി​നു​ള്ളി​ലെ വ​ൻ​തോ​തി​ലു​ള്ള ക​ന്നു​കാ​ലി മേ​യ്ക്ക​ൽ അ​വ​സാ​നി​പ്പി​ക്കു​ക

സ്വാ​ഭാ​വി​ക വ​നം തി​രി​ച്ചു​പി​ടി​ച്ചാ​ൽ

• ജി​ല്ല​യി​ലെ മ​നു​ഷ്യ-​വ​ന്യ​ജീ​വി സം​ഘ​ർ​ഷം കു​റ​യും.

• കാ​ലാ​വ​സ്ഥ വ്യ​തി​യാ​നം മൂ​ല​മു​ണ്ടാ​കു​ന്ന കാ​ർ​ഷി​ക മേ​ഖ​ല​യി​ലേ​ത​ട​ക്കം പ്ര​ശ്​​ന​ങ്ങ​ൾ കു​റ​യും.

• ക​ബ​നി​യി​ലെ നീ​രൊ​ഴു​ക്ക്​ പ​തി​ന്മ​ട​ങ്ങ്​ വ​ർ​ധി​ക്കും.

• കാ​സ​ർ​കോ​ട്, ക​ണ്ണൂ​ർ, കോ​ഴി​ക്കോ​ട്, മ​ല​പ്പു​റം ജി​ല്ല​ക​ളി​ലെ പ്ര​ധാ​ന ന​ദി​ക​ളി​ലേ​ക്കു​ള്ള നീ​രൊ​ഴു​ക്ക്​ വ​ർ​ധി​ക്കും.

• വ​യ​നാ​ട്​ അ​ട​ക്കം​ അ​ഞ്ചു​ ജി​ല്ല​ക​ളി​ലെ കാ​ർ​ഷി​ക-​ജ​ല​സ​മൃ​ദ്ധി​ക്ക്​ സ്വാ​ഭാ​വി​ക വ​ന​മേ​ഖ​ല​യു​ടെ പു​ന​രു​ജ്ജീ​വ​നം വ​ഴി​വെ​ക്കും.