നീലഗിരിയിലേക്ക് വരുന്ന ടൂറിസ്റ്റുകളെ പൊലീസ് ബുദ്ധിമുട്ടിക്കുന്നതായി പരാതി

ഗൂ​ഡ​ല്ലൂ​ർ: സം​സ്ഥാ​ന​ത്തെ ടൂ​റി​സം മ​ന്ത്രി​യു​ടെ ജി​ല്ല​യാ​യ നീ​ല​ഗി​രി​യി​ലേ​ക്ക് വ​രു​ന്ന ടൂ​റി​സ്റ്റു​ക​ൾ അ​ട​ക്ക​മു​ള്ള യാ​ത്ര​ക്കാ​രെ നി​സ്സാ​ര കാ​ര​ണ​ങ്ങ​ൾ പ​റ​ഞ്ഞ് പൊ​ലീ​സ് ബു​ദ്ധി​മു​ട്ടി​ക്കു​ന്ന​താ​യി പ​രാ​തി. വി​വി​ധ കാ​ര​ങ്ങ​ൾ പ​റ​ഞ്ഞ് പ​ല​ത​ര​ത്തി​ലും സ്പോ​ട്ട് ഫൈ​നു​ക​ൾ ചു​മ​ത്തു​ന്ന​ത് ടൂ​റി​സ്റ്റു​ക​ളെ സാ​മ്പ​ത്തി​ക​മാ​യി പ്ര​തി​സ​ന്ധി​യി​ലാ​ക്കു​ന്നു. ടൂ​റി​സ്റ്റു​ക​ളെ വ​ര​വേ​ൽ​ക്കാ​ൻ ജി​ല്ല ഭ​ര​ണ​കൂ​ടം വി​വി​ധ പ​ദ്ധ​തി​ക​ൾ ആ​വി​ഷ്ക​രി​ക്കു​മ്പോ​ഴാ​ണ് സ​ഞ്ചാ​രി​ക​ളെ പ്ര​തി​സ​ന്ധി​യി​ലാ​ക്കു​ന്ന പൊ​ലീ​സി​ന്റെ സ​മീ​പ​നം.വ​ർ​ഷ​ത്തി​ലൊ​രി​ക്ക​ലാ​ണ് പ​ല​രും കു​ടും​ബ​വും കു​ട്ടി​ക​ളു​മാ​യി വി​നോ​ദ​യാ​ത്ര​ക്ക് വ​രു​ന്ന​ത്.

പി​ഴ അ​ട​ക്കാ​ൻ പി​ന്നീ​ട് സു​ഹൃ​ത്തു​ക്ക​ളെ ബ​ന്ധ​പ്പെ​ട്ട് പ​ണം അ​യ​ച്ചുകൊ​ടു​ക്കാ​ൻ പ​റ​യു​ന്ന സ്ഥി​തി​വി​ശേ​ഷ​മാ​ണു​ള്ള​ത്. സ്പോ​ട്ട് ഫൈ​നി​ൽ നി​ന്ന് ര​ക്ഷ​പ്പെ​ടു​ന്ന​വ​ർ മൊ​ബൈ​ലി​ലേ​ക്ക് സ​ന്ദേ​ശം വ​രു​മ്പോ​ഴാ​ണ് പി​ഴ ചു​മ​ത്തി​യ കാ​ര്യം ത​ന്നെ അ​റി​യു​ന്ന​ത്. അ​തി​നാ​ൽ മാ​നു​ഷി​ക പ​രി​ഗ​ണ​ന ന​ൽ​കി ഇ​ത്ത​രം ന​ട​പ​ടി​ക​ളി​ൽനി​ന്ന് പൊ​ലീ​സ് പി​ന്മാ​റ​ണ​മെ​ന്ന ആ​വ​ശ്യം ശ​ക്ത​മാ​ണ്. കേ​ര​ളം ക​ർ​ണാ​ട​ക സം​സ്ഥാ​ന​ങ്ങ​ളി​ൽ നി​ന്ന് ദി​നം​പ്ര​തി ആ​യി​ര​ക്ക​ണ​ക്കി​ന് ടൂ​റി​സ്റ്റു​ക​ളാ​ണ് സ്വ​ന്തം വാ​ഹ​ന​ത്തി​ലും ടാ​ക്സി മ​റ്റ് ബ​സു​ക​ളി​ലു​മാ​യി ഊ​ട്ടി​യി​ലേ​ക്ക് എ​ത്തു​ന്ന​ത്. ക​ഴി​ഞ്ഞ ഓ​ണ അ​വ​ധി മു​ത​ൽ ഞാ​യ​റാ​ഴ്ച വ​രെ ടൂ​റി​സ്റ്റ് വാ​ഹ​ന​ങ്ങ​ളു​ടെ ഒ​ഴു​ക്കാ​ണ് ഗൂ​ഡ​ല്ലൂ​രി​ല​ട​ക്കം കാ​ണ​പ്പെ​ട്ട​ത്.