കിളിമാനൂർ: ഓട്ടോയിൽ കറങ്ങി വാഹനങ്ങളിൽനിന്ന് ബാറ്ററി മോഷ്ടിക്കുന്ന സംഘത്തിൽപെട്ട രണ്ടുപേർ അറസ്റ്റിൽ. വർക്കല, വെട്ടൂർ വിളബ്ഭാഗം രോഹിണിയിൽ ഷിനു (33), വിളബ്ഭാഗം കുട്ടത്തി വീട്ടിൽ ഇക്ബാൽ (57) എന്നിവരാണ് പിടിയിലായത്.
കിളിമാനൂർ പൊലീസ് സ്റ്റേഷൻ പരിധിയിൽ പ്രതികൾ രാത്രിയിൽ ഓട്ടോയിൽ കറങ്ങി ലോറികളിലെ ബാറ്ററി മോഷ്ടിക്കുകയും മോഷണശേഷം മുങ്ങിനടക്കുകയുമാണ് പ്രതികളുടെ രീതിയെന്ന് പൊലീസ് പറയുന്നു. കിളിമാനൂർ പൊലീസ് സ്റ്റേഷൻ പരിധിയിൽ പ്രതികൾക്കെതിരെ മൂന്ന് കേസുകളുള്ളതായും കൂടുതൽ പ്രതികളുണ്ടോയെന്ന് അന്വേഷിച്ചുവരുന്നതായും പൊലീസ് അറിയിച്ചു. റൂറൽ എസ്.പിക്ക് ലഭിച്ച രഹസ്യവിവരത്തിന്റെ അടിസ്ഥാനത്തിൽ ആറ്റിങ്ങൽ ഡിവൈ.എസ്.പി സുനീഷ് ബാബുവിന്റെ നേതൃത്വത്തിൽ കിളിമാനൂർ സി.ഐ എസ്. സനൂജ്, എസ്.ഐ വിജിത് കെ. നായർ, എ.എസ്.ഐ ഷാജി, എസ്.സി.പി.ഒ ബിനു, ഷാജി, സി.പി.ഒ മഹേഷ്, കിരൺ, ശ്രീരാജ് എന്നിവരടങ്ങുന്ന സംഘം നൂറോളം സി.സി.ടി.വി ദൃശ്യങ്ങൾ പരിശോധിച്ചാണ് പ്രതികളെ പിടികൂടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.