നേമം: ബൈക്ക് മോഷ്ടിച്ച കേസിൽ പള്ളിച്ചൽ അരിക്കടമുക്ക് വെള്ളക്കെട്ടുവിള മീരാൻ ഹൗസിൽ മുഹമ്മദ് കൈഫിനെ (21) മലയിൻകീഴ് പൊലീസ് അറസ്റ്റ് ചെയ്തു. ജൂൺ 22ന് രാത്രിയാണ് വീട്ടുപരിസരത്ത് പാർക്ക് ചെയ്ത മലയിൻകീഴ് മച്ചേൽ ഇരച്ചോട്ടുകോണത്ത് മിനിയുടെ പേരിലുള്ള ബൈക്ക് മോഷണം പോയത്. മിനിയുടെ മകനാണ് ബൈക്ക് ഉപയോഗിച്ചിരുന്നത്.
മലയിൻകീഴ് സി.ഐ ടി.വി. ഷിബുവിന്റെ നേതൃത്വത്തിലുള്ള സംഘം നേമത്തുനിന്നാണ് പ്രതിയെ പിടികൂടിയത്. കുറച്ചുനാൾ മുമ്പ് നേമം സ്റ്റേഷൻ പരിധിയിലെ വെള്ളായണി ജങ്ഷനിൽ കെ.എസ്.ആർ.ടി.സി ബസ് തടഞ്ഞ് കല്ലെറിഞ്ഞ് ഡ്രൈവറെ കൈയേറ്റം ചെയ്ത കേസിലെ പ്രതിയാണ് മുഹമ്മദ് കൈഫെന്ന് പൊലീസ് പറഞ്ഞു. ഇയാളെ കോടതിയിൽ ഹാജരാക്കി റിമാൻഡ് ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.