പോത്തൻകോട്: പ്രണയം നിരസിച്ചതിൽ മനംനൊന്ത തൃശൂർ സ്വദേശിയായ യുവാവ് തിരുവനന്തപുരത്തെ യുവതിയുടെ വീടിനു മുന്നിലെത്തി പെട്രോൾ ഒഴിച്ച് തീ കൊളുത്തി ആത്മഹത്യശ്രമം നടത്തി. തൃശൂർ സ്വദേശി ശ്യാംപ്രകാശിനെ (32) ഗുരുതരമായി പൊള്ളലേറ്റ നിലയിൽ മെഡിക്കൽ കോളജ് ആശുപത്രിയിൽ പ്രവേശിപ്പിച്ചു.
90 ശതമാനം പൊള്ളലേറ്റ യുവാവിന്‍റെ നില ഗുരുതരമായി തുടരുന്നു. പോത്തൻകോട് വേങ്ങോട് മലമുകളിൽ രാജന്‍റെ വീടിന് മുന്നിലാണ് ആത്മഹത്യശ്രമം.
ബെക്കിലെത്തിയ ശ്യാംപ്രകാശ് കന്നാസിൽ കരുതിയ പെട്രോൾ ദേഹത്തൊഴിച്ച് തീ കൊളുത്തുകയായിരുന്നു. അരമണിക്കൂറോളം വീടിനു മുന്നിൽ ശ്യാംപ്രകാശ് പൊള്ളലേറ്റ് കിടന്നു. വിവാഹിതനും രണ്ടു കുട്ടികളുടെ പിതാവുമായ ശ്യാംപ്രകാശ് ടെക്നോപാർക്കിലെ സെക്യൂരിറ്റി ജീവനക്കാരനാണ്. പോത്തൻകോട് പൊലീസ് കേസെടുത്ത് അന്വേഷണം ആരംഭിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.