തിരുവനന്തപുരത്തെ വെള്ള​െക്കട്ട്​ പരിഹരിക്കാൻ ആക്​ഷൻ പ്ലാൻ

തി​രു​വ​ന​ന്ത​പു​രം: ജി​ല്ല​യി​ലെ വെ​ള്ള​ക്ക​യ​റ്റം പ​രി​ഹ​രി​ക്കു​ന്ന​തി​ന് ഫ്ല​ഡ് പ്രി​വ​ൻ​ഷ​ൻ ആ​ക്ഷ​ൻ പ്ലാ​ൻ ത​യാ​റാ​ക്കി. അ​ടി​യ​ന്ത​ര​മാ​യി പൂ​ർ​ത്തീ​ക​രി​ക്കേ​ണ്ട പ്ര​വൃ​ത്തി​ക​ളു​ൾ​പ്പെ​ടു​ത്തി നൂ​റു​ദി​ന ക​ർ​മ​പ​ദ്ധ​തി​ക​ളും ദീ​ർ​ഘ​കാ​ലാ​ടി​സ്ഥാ​ന​ത്തി​ൽ പൂ​ർ​ത്തി​യാ​ക്കേ​ണ്ട പ​ദ്ധ​തി​ക​ളും ഉ​ൾ​പ്പെ​ടു​ന്ന​താ​ണ് ആ​ക്ഷ​ൻ പ്ലാ​ൻ. തൈ​ക്കാ​ട് ഗെ​സ്റ്റ് ഹൗ​സി​ൽ മ​ന്ത്രി​മാ​രാ​യ വി. ​ശി​വ​ൻ​കു​ട്ടി, ആ​ന്റ​ണി രാ​ജു എ​ന്നി​വ​രു​ടെ അ​ധ്യ​ക്ഷ​ത​യി​ൽ ചേ​ർ​ന്ന യോ​ഗ​ത്തി​ലാ​ണ് പ​ദ്ധ​തി​ക​ൾ​ക്ക് രൂ​പം ന​ൽ​കി​യ​ത്.

തോ​ടു​ക​ൾ വൃ​ത്തി​യാ​ക്കാ​ൻ അ​ടി​യ​ന്ത​ര ന​ട​പ​ടി ആ​മ​യി​ഴ​ഞ്ചാ​ൻ, പ​ട്ടം, ഉ​ള്ളൂ​ർ ഉ​ൾ​പ്പെ​ടെ​യു​ള്ള തോ​ടു​ക​ൾ വൃ​ത്തി​യാ​ക്കാ​ൻ അ​ടി​യ​ന്ത​ര പ്രാ​ധാ​ന്യം ന​ൽ​കാ​ൻ തീ​രു​മാ​ന​മാ​യി. പു​രോ​ഗ​തി നി​രീ​ക്ഷി​ക്കാ​ൻ സ​ബ് ക​ല​ക്ട​ർ അ​ശ്വ​തി ശ്രീ​നി​വാ​സി​നെ ചു​മ​ത​ല​പ്പെ​ടു​ത്തി. കെ.​ആ​ർ.​എ​ഫ്.​ബി, സ്മാ​ർ​ട്ട് സി​റ്റി പ​ദ്ധ​തി​ക​ളു​ടെ ഭാ​ഗ​മാ​യ 81 റോ​ഡു​ക​ളി​ലെ​യും ഓ​ട​ക​ൾ ഒ​രാ​ഴ്ച​ക്കു​ള്ളി​ൽ വൃ​ത്തി​യാ​ക്ക​ണം. പൊ​തു​മ​രാ​മ​ത്ത് വ​കു​പ്പ്, തി​രു​വ​ന​ന്ത​പു​രം കോ​ർ​പ​റേ​ഷ​ൻ, നാ​ഷ​ന​ൽ ഹൈ​വേ എ​ന്നി​വ​യു​ടെ ഓ​ട​ക​ളും അ​ടി​യ​ന്ത​ര​മാ​യി വൃ​ത്തി​യാ​ക്ക​ണ​മെ​ന്നും മ​ന്ത്രി​മാ​ർ നി​ർ​ദേ​ശി​ച്ചു.

ത​മ്പാ​നൂ​ർ -പ​ഴ​വ​ങ്ങാ​ടി മാ​തൃ​ക​യി​ൽ ശാ​സ്ത്രീ​യ പ​രി​ഹാ​ര​ത്തി​നു​ള്ള ക​ർ​മ​പ​ദ്ധ​തി​ക്കാ​ണ് രൂ​പം​ന​ൽ​കി​യ​തെ​ന്ന്​ മ​ന്ത്രി​മാ​ർ പ​റ​ഞ്ഞു. ഫ്ലൈ​ഓ​വ​ർ നി​ർ​മാ​ണ​ത്തെ​തു​ട​ർ​ന്ന് ചാ​ക്ക -ഈ​ഞ്ച​ക്ക​ൽ ബൈ​പാ​സ് റോ​ഡി​ലെ ഓ​ട​ക​ളി​ൽ അ​ടി​ഞ്ഞു​കൂ​ടി​യ മാ​ലി​ന്യം പൂ​ർ​ണ​മാ​യും നീ​ക്കം ചെ​യ്യാ​നു​ള്ള ന​ട​പ​ടി​ക​ളും നി​ർ​ദേ​ശി​ച്ചു.

ദീ​ർ​ഘ​കാ​ല​മാ​യി തി​രു​വ​ന​ന്ത​പു​രം ന​ഗ​ര​ത്തി​ൽ മു​ട​ങ്ങി​ക്കി​ട​ന്ന റോ​ഡു​ക​ളു​ടെ പ​ണി​ക​ൾ പു​ന​രാ​രം​ഭി​ക്കും. ചാ​ല ഉ​ൾ​പ്പെ​ടെ​യു​ള്ള സ്മാ​ർ​ട്ട് സി​റ്റി റോ​ഡു​ക​ളു​ടെ​യും വ​ഴു​ത​ക്കാ​ട്, അ​ട്ട​ക്കു​ള​ങ്ങ​ര ഉ​ൾ​പ്പെ​ടു​ന്ന കെ.​ആ​ർ.​എ​ഫ്.​ബി റോ​ഡു​ക​ളു​ടെ​യും ടെ​ൻ​ഡ​ർ ന​ട​പ​ടി​ക​ളെ​ല്ലാം പൂ​ർ​ത്തി​യാ​യ​താ​യി മ​ന്ത്രി​മാ​ർ അ​റി​യി​ച്ചു. 2024 മേ​യ്, ജൂ​ൺ മാ​സ​ത്തോ​ടെ ഈ ​റോ​ഡു​ക​ളു​ടെ ന​വീ​ക​ര​ണം പൂ​ർ​ത്തി​യാ​ക്കു​മെ​ന്നും അ​ദ്ദേ​ഹം പ​റ​ഞ്ഞു.

ആ​ക്ഷ​ൻ പ്ലാ​നു​മാ​യി ബ​ന്ധ​പ്പെ​ട്ട പ്ര​വൃ​ത്തി​ക​ൾ ക​ല​ക്ട​ർ നി​രീ​ക്ഷി​ച്ച് പ്ര​തി​വാ​ര റി​പ്പോ​ർ​ട്ട് മ​ന്ത്രി​മാ​ർ​ക്ക് സ​മ​ർ​പ്പി​ക്കും. ക​ല​ക്ട​ർ ജെ​റോ​മി​ക് ജോ​ർ​ജ്, സ​ബ് ക​ല​ക്ട​ർ അ​ശ്വ​തി ശ്രീ​നി​വാ​സ്, അ​ഡീ​ഷ​ന​ൽ ജി​ല്ല മ​ജി​സ്‌​ട്രേ​റ്റ് ജെ. ​അ​നി​ൽ ജോ​സ്, ദു​ര​ന്ത​നി​വാ​ര​ണ വി​ഭാ​ഗം ഡെ​പ്യൂ​ട്ടി ക​ല​ക്ട​ർ വി. ​ജ​യ​മോ​ഹ​ൻ എ​ന്നി​വ​രും റ​വ​ന്യൂ, പൊ​തു​മ​രാ​മ​ത്ത്, മേ​ജ​ർ, മൈ​ന​ർ ഇ​റി​ഗേ​ഷ​ൻ ഉ​ൾ​പ്പെ​ടെ​യു​ള്ള വ​കു​പ്പു​ക​ളി​ലെ ജി​ല്ല​ത​ല ഉ​ദ്യോ​ഗ​സ്ഥ​രും അ​വ​ലോ​ക​ന​യോ​ഗ​ത്തി​ൽ പ​ങ്കെ​ടു​ത്തു.

മാ​ലി​ന്യ നി​ക്ഷേ​പം ക​ണ്ടെ​ത്താ​ൻ എ.​ഐ കാ​മ​റ

ന​ഗ​ര​സ​ഭ​ക്ക്​ കീ​ഴി​ലു​ള്ള റോ​ഡു​ക​ളി​ലെ ഓ​ട​ക​ൾ ഒ​രാ​ഴ്ച​ക്ക​കം വൃ​ത്തി​യാ​ക്കു​മെ​ന്ന് മേ​യ​ർ ആ​ര്യ രാ​ജേ​ന്ദ്ര​ൻ പ​റ​ഞ്ഞു. എ​ല്ലാ വാ​ർ​ഡു​ക​ൾ​ക്കും ഇ​ത് സം​ബ​ന്ധി​ച്ച നി​ർ​ദേ​ശം ന​ൽ​കി. സ​ക്കി​ങ്​ കം ​ജെ​റ്റി​ങ്​ മെ​ഷീ​നു​ക​ൾ വാ​ങ്ങാ​ൻ തീ​രു​മാ​ന​മാ​യ​താ​യി മേ​യ​ർ അ​റി​യി​ച്ചു. മാ​ൻ​ഹോ​ളു​ക​ളി​ലേ​ക്ക് അ​ന​ധി​കൃ​ത​മാ​യി ന​ൽ​കി​യി​രി​ക്കു​ന്ന ക​ണ​ക്ഷ​നു​ക​ൾ ക​ണ്ടെ​ത്തു​ന്ന​തി​ന് സ്ഥാ​പ​ന​ങ്ങ​ളി​ലും വീ​ടു​ക​ളി​ലും ന​ഗ​ര​സ​ഭ​യും വാ​ട്ട​ർ അ​തോ​റി​റ്റി​യും സം​യു​ക്ത​മാ​യി സ​ർ​വേ ന​ട​ത്തും. തോ​ടു​ക​ളി​ൽ മാ​ലി​ന്യം നി​ക്ഷേ​പി​ക്കു​ന്ന​ത് ക​ണ്ടെ​ത്തു​ന്ന​തി​ന് എ.​ഐ കാ​മ​റ സ്ഥാ​പി​ക്കും. മ​ഴ​വെ​ള്ള സം​ഭ​ര​ണം ഉ​ൾ​പ്പെ​ടെ​യു​ള്ള കാ​മ്പ​യി​നു​ക​ൾ ശ​ക്ത​മാ​ക്കും. പ്ര​വ​ർ​ത്ത​ന​ങ്ങ​ളി​ൽ വീ​ഴ്ച​വ​രു​ത്തു​ന്ന ജീ​വ​ന​ക്കാ​ർ​ക്കെ​തി​രെ ശ​ക്ത​മാ​യ ന​ട​പ​ടി സ്വീ​ക​രി​ക്കു​മെ​ന്നും മേ​യ​ർ വ്യ​ക്ത​മാ​ക്കി.

നൂ​റു​ദി​ന ക​ർ​മ പ​ദ്ധ​തി​യി​ലു​ൾ​പ്പെ​ട്ട പ്ര​വൃ​ത്തി​ക​ൾ

2024 ജ​നു​വ​രി 31ഓ​ടെ തോ​ടു​ക​ളി​ൽ​നി​ന്ന്​ 1.50 ല​ക്ഷം ക്യു​ബി​ക് മീ​റ്റ​ർ ച​ളി നീ​ക്കം​ചെ​യ്ത് ആ​ഴം കൂ​ട്ടും. ആ​മ​യി​ഴ​ഞ്ചാ​ൻ തോ​ട് ന​വീ​ക​ര​ണ​ത്തി​ന് 25 കോ​ടി​യും പ​ട്ടം തോ​ട് ന​വീ​ക​ര​ണ​ത്തി​ന് 4.8 കോ​ടി​യും ഉ​ള്ളൂ​ർ തോ​ട് ന​വീ​ക​ര​ണ​ത്തി​ന് ഒ​മ്പ​തു കോ​ടി രൂ​പ​യും നീ​ക്കി​വെ​ച്ചു. മേ​ജ​ർ, മൈ​ന​ർ ഇ​റി​ഗേ​ഷ​ൻ വ​കു​പ്പു​ക​ളു​ടെ മേ​ൽ​നോ​ട്ട​ത്തി​ൽ പ്ര​വൃ​ത്തി നൂ​റു ദി​വ​സ​ത്തി​ന​കം പൂ​ർ​ത്തി​യാ​ക്കും. തോ​ടു​ക​ളി​ലെ ജ​ല​നി​ര​പ്പ് നി​രീ​ക്ഷി​ക്കു​ന്ന​തി​ന് ഓ​ട്ടോ​മാ​റ്റി​ക് റി​യ​ൽ​ടൈം വാ​ട്ട​ർ ലെ​വ​ൽ മോ​ണി​റ്റ​റി​ങ് ആ​ൻ​ഡ് അ​ല​ർ​ട്ടി​ങ് സം​വി​ധാ​നം ന​ട​പ്പാ​ക്കും. തോ​ടു​ക​ളി​ലെ കൈ​യേ​റ്റം ഒ​ഴി​പ്പി​ച്ച് സം​ഭ​ര​ണ ശേ​ഷി പു​നഃ​സ്ഥാ​പി​ക്കാ​ൻ സ​ബ് ക​ല​ക്ട​റു​ടെ നേ​തൃ​ത്വ​ത്തി​ൽ പ്ര​ത്യേ​ക ടീ​മി​ന് രൂ​പം ന​ൽ​കി. 

വീ​ട്​ ത​ക​ർ​ച്ച: ഒ​രാ​ഴ്ച​ക്ക​കം തീ​രു​മാ​നം

മ​ഴ​ക്കെ​ടു​തി​യി​ൽ വീ​ടു​ക​ൾ ന​ഷ്ട​പ്പെ​ട്ട​തു​മാ​യി ബ​ന്ധ​പ്പെ​ട്ട 321 ധ​ന​സ​ഹാ​യ അ​പേ​ക്ഷ​ക​ളി​ൽ ഒ​രാ​ഴ്ച​ക്കു​ള്ളി​ൽ തീ​രു​മാ​ന​മെ​ടു​ക്കാ​ൻ ക​ല​ക്ട​ർ ജെ​റോ​മി​ക് ജോ​ർ​ജി​നെ ചു​മ​ത​ല​പ്പെ​ടു​ത്തി. വ​കു​പ്പു​ക​ളു​ടെ ഏ​കോ​പ​ന​ത്തോ​ടെ​യു​ള്ള പ്ര​വ​ർ​ത്ത​നം പ്ര​തി​സ​ന്ധി​ക​ളെ ത​ര​ണം ചെ​യ്യു​ന്ന​തി​ന് സ​ഹാ​യ​ക​ര​മാ​കു​മെ​ന്നും മ​ന്ത്രി വ്യ​ക്ത​മാ​ക്കി.

ദീ​ർ​ഘ​കാ​ലാ​ടി​സ്ഥാ​ന​ത്തി​ലു​ള്ള പ്ര​വൃ​ത്തി​ക​ൾ

പ​ട്ടം, ഉ​ള്ളൂ​ർ, കു​ന്നു​കു​ഴി തോ​ടു​ക​ളു​ടെ വീ​തി പു​നഃ​സ്ഥാ​പി​ക്ക​ൽ, സ്ഥ​ലം ഏ​റ്റെ​ടു​ക്ക​ൽ ഉ​ൾ​പ്പെ​ടെ പ്ര​വൃ​ത്തി​ക​ൾ. തെ​റ്റി​യാ​ർ തോ​ടി​ന്‍റെ നീ​രൊ​ഴു​ക്കി​ന് ത​ട​സ്സ​മാ​യ നി​ർ​മാ​ണ പ്ര​വ​ർ​ത്ത​ന​ങ്ങ​ൾ പൊ​ളി​ച്ചു​മാ​റ്റു​ന്ന​തി​നും ന​ട​പ​ടി​ക​ൾ. ക​ര​മ​ന, കി​ള്ളി, വാ​മ​ന​പു​രം ന​ദി​ക​ളു​ടെ സം​ര​ക്ഷ​ണ​ഭി​ത്തി​യു​ൾ​പ്പെ​ടെ​യു​ള്ള പ്ര​വൃ​ത്തി​ക​ൾ പൂ​ർ​ത്തീ​ക​രി​ക്കും. tഅ​രു​വി​ക്ക​ര ഡാം, ​ആ​ക്കു​ളം കാ​യ​ൽ, വെ​ള്ളാ​യ​ണി കാ​യ​ൽ എ​ന്നി​വി​ട​ങ്ങ​ളി​ലെ ഡീ ​സി​ൽ​റ്റേ​ഷ​ൻ ബ​ന്ധ​പ്പെ​ട്ട വ​കു​പ്പു​ക​ളു​ടെ സ​ഹാ​യ​ത്തോ​ടെ പൂ​ർ​ത്തി​യാ​ക്കും.

വേ​ളി പൊ​ഴി​യി​ൽ ശാ​സ്ത്രീ​യ രീ​തി​യി​ലു​ള്ള ഡി​സ്ചാ​ർ​ജ് റെ​ഗു​ലേ​റ്റ​ർ നി​ർ​മി​ക്കും. കാ​യ​ലി​ൽ​നി​ന്ന് ക​ട​ലി​ലേ​ക്കു​ള്ള വെ​ള്ള​ത്തി​ന്റെ ഒ​ഴു​ക്ക് നി​യ​ന്ത്രി​ക്കാ​നും തി​രി​കെ വെ​ള്ളം കാ​യ​ലി​ലേ​ക്ക് ക​യ​റു​ന്ന​ത് ത​ട​യാ​നും ഇ​തു​വ​ഴി സാ​ധി​ക്കും. ന​ഗ​ര​ത്തി​ലെ വെ​ള്ള​ക്കെ​ട്ട് ഒ​ഴി​വാ​ക്കു​ന്ന​തി​ന് ജി.​ഐ.​എ​സ് അ​ടി​സ്ഥാ​ന​മാ​ക്കി മാ​സ്റ്റ​ർ പ്ലാ​ൻ ത​യാ​റാ​ക്കും.