വർക്കല: ശ്രീനാരായണ പ്രസ്ഥാനം നേരിടുന്ന വെല്ലുവിളികളെക്കുറിച്ച് 18ന് ശിവഗിരിയിൽ രാപകൽ ചർച്ച സംഘടിപ്പിക്കുന്നു. ശ്രീനാരായണ ദർശനം സിദ്ധാന്തവും പ്രയോഗവും, ഗുരുദേവ പ്രസ്ഥാനം ഇന്നലെ ഇന്ന് നാളെ എന്നതാണ് പ്രധാന ചർച്ചാ വിഷയം. കൂടാതെ ശ്രീനാരായണ ഗുരുവിനെയും പ്രസ്ഥാനത്തെയും തമസ്കരിക്കുന്ന പ്രവണതകൾ, വികലമായി വ്യാഖ്യാനിക്കൽ, ഗുരുശിഷ്യ വിവാദം, ഗുരുദേവ കൃതികൾ, ഗുരുദേവ ദർശനം, ഗുരുദേവ പ്രസ്ഥാനത്തിലെ പ്രശ്നങ്ങൾ, ഗുരുദേവ ദർശനവും സംവരണവും തുടങ്ങിയ വിഷയങ്ങളെക്കുറിച്ചും ചർച്ച നടക്കും. ശ്രീനാരായണ ധർമസംഘം ട്രസ്റ്റ് പ്രസിഡന്റ് സ്വാമി സച്ചിദാനന്ദ മോഡറേറ്ററായിരിക്കും. സെമിനാറിൽ ധർമസംഘം ട്രസ്റ്റ് ജനറൽ സെക്രട്ടറി സ്വാമി ഋതംഭരാനന്ദ, സ്വാമി ശാരദാനന്ദ, സ്വാമി വിശാലാനന്ദ, സ്വാമി ബോധിതീർഥ, പിന്നാക്ക സമുദായ വകുപ്പ് മുൻ ഡയറക്ടർ വി.ആർ. ജോഷി, ഡോ. അമൽ സി. രാജൻ, ഡോ. പി. ചന്ദ്രമോഹൻ, ഡോ. എസ്. ഷാജി, ഡോ. അജയശേഖർ തുടങ്ങിയവർ ചർച്ച നയിക്കും. രാവിലെ ഒമ്പതിന് വിഷയാവതരണവും ഉച്ചക്ക് രണ്ടിന് പൊതുചർച്ചയും നടക്കും. ശ്രീശാരദാ പ്രതിഷ്ഠയുടെ 110ാം വാർഷികത്തിന്റെ ഭാഗമായുള്ള ശ്രീനാരായണ ധർമമീമാംസ പരിഷത്ത് 16,17 തീയതികളിൽ നടക്കുമെന്നും ഗുരുദേവ കൃതികളിൽ പഠന ക്ലാസുകളാണ് മുഖ്യ ഇനമെന്നും മഠം മീഡിയ ചെയർമാർ ഡോ.എം. ജയരാജു അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.