ചെറ്റച്ചൽ-നന്ദിയോട് റോഡ്‌ നവീകരണം പൂർത്തിയാകുന്നു

വിതുര: കാത്തിരിപ്പിനുശേഷം ചെറ്റച്ചൽ-നന്ദിയോട് റോഡ്‌ നവീകരണം യാഥാർഥ്യമാകുന്നു. പണി തുടങ്ങി മൂന്നുവർഷം കഴിയുമ്പോഴാണ് നിർമാണം പൂർത്തിയാകുന്നത്. നന്ദിയോട് മുതൽ ചെറ്റച്ചൽ വരെയുള്ള ഏഴ് കിലോമീറ്റർ റോഡാണ് നവീകരിക്കുന്നത്. ഓടയും നടപ്പാതയുമുൾപ്പെടെ 14 മീറ്റർ വീതിയിലാണ് റോഡ് നിർമാണം. റോഡിലെ വശങ്ങളിലെ സുരക്ഷാവേലി നിർമാണവും സീബ്രാവരകളിടുന്ന ജോലികളും പൂർത്തിയാകുന്നതോടെ റോഡ് പൂർണമായും ഗതാഗതയോഗ്യമാകും. റോഡിന്റെ നവീകരണത്തിനായി 9.68 കോടി രൂപയാണ് അനുവദിച്ചത്. എന്നാൽ, കരാറെടുക്കാനാളില്ലാതെ വൈകി. 2019 ൽ പണി തുടങ്ങിയെങ്കിലും വളരെ പതുക്കെയാണ് പ്രവർത്തനങ്ങളെന്ന് ആക്ഷേപമുയർന്നിരുന്നു. പുറമ്പോക്ക് അളന്നുതിരിച്ചെങ്കിലും പലയിടത്തും അളവ് കൃത്യമായല്ല നടന്നതെന്നും പരാതിയുയർന്നു. ഫോേട്ടാ: നിർമാണം പൂർത്തിയാകുന്ന ചെറ്റച്ചൽ-നന്ദിയോട് റോഡ്