തിരുവനന്തപുരം: പ്രണയദിനത്തിൽ ട്രാൻസ്ജെൻഡർ വ്യക്തികളായ ശ്യാമയും മനുവും വിവാഹിതരായി. ടെക്നോപാർക്കിൽ സീനിയർ എച്ച്.ആർ എക്സിക്യൂട്ടിവാണ് തൃശൂർ സ്വദേശി മനു കാർത്തിക. സാമൂഹികസുരക്ഷാവകുപ്പിൽ ട്രാൻസ്ജെൻഡർ സെല്ലിലെ സ്റ്റേറ്റ് പ്രോജക്ട് കോഓഡിനേറ്ററും ആക്ടിവിസ്റ്റുമാണ് തിരുവനന്തപുരം സ്വദേശിയായ ശ്യാമ എസ്. പ്രഭ. 10 വര്ഷമായി പരസ്പരം അറിയാവുന്നവരാണ് ഇരുവരും. 2017ലാണ് പ്രണയം തുറന്നുപറഞ്ഞത്. രണ്ട് വീട്ടുകാരുടെയും പൂർണ സമ്മതത്തോടെ പ്രിയപ്പെട്ടവരുടെയെല്ലാം സാന്നിധ്യത്തിൽ ഹിന്ദു ആചാരപ്രകാരം തിങ്കളാഴ്ച തിരുവനന്തപുരം ഇടപ്പഴിഞ്ഞി അളകാപുരി ഓഡിറ്റോറിയത്തിലായിരുന്നു വിവാഹം. കേരളത്തില് മുമ്പും ട്രാൻസ്ജെൻഡർ വിവാഹങ്ങൾ നടന്നിട്ടുണ്ടെങ്കിലും ആൺ, പെൺ ഐഡന്റിറ്റി ഉപയോഗിച്ചാണ് വിവാഹം രജിസ്റ്റർ ചെയ്തത്. ആധാർ അടക്കമുള്ള എല്ലാ രേഖകളിലും ഇരുവരും ട്രാൻസ്ജെൻഡർ ആണ്. ട്രാൻസ്വുമണായ ശ്യാമയും ട്രാൻസ്മെൻ ആയ മനുവും ട്രാൻസ്ജെൻഡർ ഐഡന്റിറ്റിയിൽ തന്നെ വിവാഹം രജിസ്റ്റർ ചെയ്യാനുള്ള തയാറെടുപ്പിലാണ്. വേണ്ടിവന്നാൽ ഹൈകോടതിയെയും സമീപിക്കാനൊരുങ്ങുകയാണ് ഇരുവരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.