ആറ്റിങ്ങൽ: കാൽനട യാത്രക്കാരുടെ സുരക്ഷ ഉറപ്പുവരുത്താൻ ബോധവത്കരണം സംഘടിപ്പിച്ചു. തിരുവനന്തപുരം ആർ.ടി.ഒ എൻഫോഴ്സ്മൻെറ് വിഭാഗത്തിന്റെയും ഗവ. പോളിടെക്നിക് കോളജ് എൻ.എസ്.എസ് യൂനിറ്റിന്റെയും സംയുക്താഭിമുഖ്യത്തിലാണ് പരിപാടി സംഘടിപ്പിച്ചത്. കേരളത്തിലെ റോഡപകടങ്ങളിൽ 30 ശതമാനം പരിക്കും കാൽനടയാത്രക്കാർക്കാണെന്ന കണ്ടെത്തലിന്റെ അടിസ്ഥാനത്തിലാണ് ബോധവത്കരണം നടത്തിയത്. ഫുട്പാത്ത് ഉപയോഗം, റോഡ് മുറിച്ചുകടക്കൽ എന്നിവയിൽ കാൽനട യാത്രക്കരും ഡ്രൈവർമാരും ശ്രദ്ധിക്കേണ്ട കാര്യങ്ങളാണ് ബന്ധപ്പെട്ടവർ ചൂണ്ടിക്കാട്ടിയത്. എം.വി.ഐ. രാംജി കെ. കിരൺ, എ.എം.വി.ഐ വി.വി. ശിവപ്രസാദ്, അരുൺ കൃഷ്ണൻ, സരിഗ ജ്യോതി, എസ്.എസ്. സജി, വി. വിജേഷ് എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.