തിരുവനന്തപുരം: വാൾട്ട് ഡിസ്നി കമ്പനി ഇന്ത്യ ആൻഡ് സ്റ്റാർ ഇന്ത്യയുടെ പ്രസിഡൻറായി കെ. മാധവനെ തെരഞ്ഞെടുത്തു. എട്ട് ഭാഷകളിലായി കോടിക്കണക്കിന് പ്രേക്ഷകർ ആസ്വദിക്കുന്ന വിപുലമായ വിനോദ ഉള്ളടക്കത്തിൻെറ ചുമതല ഇനി കെ. മാധവനായിരിക്കും. വാൾട്ട് ഡിസ്നി ഇൻറർനാഷനൽ ഓപറേഷൻസ് മേധാവി റെബേക്ക കാംപ്ബെലാണ് പ്രഖ്യാപനം നടത്തിയത്. ഡിസ്നി, സ്റ്റാർ, ഹോട്ട്സ്റ്റാർ എന്നിവയിലൂടെ വിനോദം, കായികം, പ്രാദേശിക ചാനലുകൾ തുടങ്ങിയ മേഖലകളിൽ വ്യാപിച്ചുകിടക്കുന്ന പ്രവർത്തനങ്ങൾക്ക് കെ. മാധവൻ നേതൃത്വം നൽകും. ചാനൽ വിതരണത്തിൻെറയും പരസ്യങ്ങളുടെയും മേൽനോട്ടം, എട്ട് ഭാഷകളിലായി ഫിക്ഷൻ, നോൺ ഫിക്ഷൻ, സ്പോർട്സ്, സിനിമകൾ എന്നിങ്ങനെ വിപുലമായ ഉള്ളടക്കം സൃഷ്ടിക്കുന്നതിൻെറ ചുമതലയും ഇതിൽ ഉൾപ്പെടുന്നു. 2019 മുതൽ സ്റ്റാർ ആൻഡ് ഡിസ്നി ഇന്ത്യയുടെ കൺട്രി മാനേജറായി സേവനമനുഷ്ഠിക്കുന്ന മാധവൻ കമ്പനിയുടെ ടെലിവിഷൻ, സ്റ്റുഡിയോ ബിസിനസിൻെറ മേൽനോട്ടം വഹിച്ചു. ഇപ്പോൾ ഇന്ത്യൻ ബ്രോഡ് കാസ്റ്റിങ് ഫൗണ്ടേഷൻെറ പ്രസിഡൻറായും സി.ഐ.ഐയുടെ മീഡിയ ആൻഡ് എൻറർടെയ്ൻമൻെറ് നാഷനൽ കമ്മിറ്റിയുടെ ചെയർമാനായും പ്രവർത്തിച്ചുവരികയാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.