വിഴിഞ്ഞം: കോവളം ബീച്ചിൽ ലൈഫ് ഗാർഡിനെ തെരുവുനായ്ക്കൾ കടിച്ചു. പാച്ചല്ലൂർ സ്വദേശി ദീപു(26)വിനെയാണ് രണ്ട് നായ്ക്കൾ കടിച്ച് പരിക്കേൽപിച്ചത്. കാലിലും വിരലിലും കടിയേറ്റ ലൈഫ് ഗാർഡ് തിരുവനന്തപുരം ജനറൽ ആശുപത്രിയിൽ ചികിത്സ തേടി. കോവളം സീറോക്ക് ബീച്ചിൽ ചൊവ്വാഴ്ച രാവിലെ 7.30 ഓടെയാണ് സംഭവം. നാട്ടുകാരും സഹപ്രവർത്തകരും കല്ലെറിഞ്ഞ് നായ്ക്കളെ തുരത്തിയാണ് ദീപുവിനെ രക്ഷപ്പെടുത്തിയത്. ബീച്ചിൽ തെരുവുനായ്ക്കളുടെ ശല്യം രൂക്ഷമാണെന്നും വിനോദ സഞ്ചാരികളെയും ലൈഫ് ഗാർഡുകളേയും തെരുവ് നായ്ക്കൾ കടിച്ചു പരിക്കേൽപിച്ച സംഭവങ്ങളുണ്ടായിട്ടുണ്ടെന്നും ലൈഫ് ഗാർഡുകൾ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.