ചേറ്റുവ പാലത്തിൽ വൻ കുഴികൾ; യാത്രക്കാർക്ക് ഭീഷണി

വാ​ടാ​ന​പ്പ​ള്ളി: ചേ​റ്റു​വ പാ​ല​ത്തി​ലെ വ​ൻ കു​ഴി​ക​ൾ വാ​ഹ​ന​യാ​ത്ര​ക്കാ​ർ​ക്ക് ഭീ​ഷ​ണി​യാ​കു​ന്നു. പ​ല​ത​വ​ണ അ​പ​ക​ട​ങ്ങ​ൾ ഉ​ണ്ടാ​യി​ട്ടും ദേ​ശീ​യ​പാ​ത അ​ധി​കൃ​ത​ർ ക​ണ്ടി​ല്ലെ​ന്ന് ന​ടി​ക്കു​ക​യാ​ണ്. പാ​ല​ത്തി​ൽ ചെ​റു​തും വ​ലു​തു​മാ​യി 20 ല​ധി​കം കു​ഴി​ക​ളു​ണ്ട്. പാ​ല​ത്തി​ലേ​ക്ക് ക​യ​റു​ന്ന ഭാ​ഗ​ത്തും ഇ​റ​ങ്ങു​ന്ന ഭാ​ഗ​ത്തും വ​ലി​യ കു​ഴി​ക​ളു​ണ്ട്. കു​ഴി​യാ​യി കി​ട​ക്കു​ന്ന ഭാ​ഗ​ത്ത് ഇ​രു​മ്പ് ക​മ്പി​ക​ൾ പു​റ​ത്താ​യി നി​ൽ​ക്കു​ന്ന നി​ല​യി​ലാ​ണ്.

ബൈ​ക്ക് പോ​ലു​ള്ള ചെ​റി​യ വാ​ഹ​ന​ങ്ങ​ൾ പാ​ല​ത്തി​ലെ കു​ഴി ഒ​ഴി​വാ​ക്കാ​ൻ വെ​ട്ടി​ച്ചു മാ​റ്റാ​ൻ ശ്ര​മി​ക്കു​മ്പോ​ൾ വ​ലി​യ അ​പ​ക​ടം ഉ​ണ്ടാ​കാ​നു​ള്ള സാ​ധ്യ​ത​യു​മു​ണ്ട്. പാ​ല​ത്തി​ലെ കു​ഴി​ക​ൾ അ​ട​ച്ച​ത് അ​ശാ​സ്ത്രീ​യ രീ​തി​യി​ലാ​യ​തി​നാ​ലാ​ണ്​ വീ​ണ്ടും കു​ഴി​ക​ൾ രൂ​പ​പ്പെ​ടു​ന്ന​ത്.

ചേ​റ്റു​വ പാ​ല​ത്തി​നോ​ടു​ള്ള അ​വ​ഗ​ണ​ന അ​ധി​കൃ​ത​ർ അ​വ​സാ​നി​പ്പി​ക്ക​ണ​മെ​ന്നും വൈ​ദ്യു​തി വി​ള​ക്കു​ക​ൾ പ്ര​കാ​ശി​പ്പി​ക്ക​ണ​മെ​ന്നും കു​ഴി​ക​ൾ അ​ടി​യ​ന്ത​ര​മാ​യി അ​ട​ച്ച് സു​ര​ക്ഷ ഉ​റ​പ്പാ​ക്ക​ണ​മെ​ന്നും സാ​മൂ​ഹ്യ പ്ര​വ​ർ​ത്ത​ക​ൻ ല​ത്തീ​ഫ് കെ​ട്ടു​മ്മ​ൽ ആ​വ​ശ്യ​പ്പെ​ട്ടു. അ​വ​ഗ​ണ​ന തു​ട​ർ​ന്നാ​ൽ ഹൈ​കോ​ട​തി​യെ സ​മീ​പി​ക്കു​മെ​ന്നും ല​ത്തീ​ഫ് കെ​ട്ടു​മ്മ​ൽ പ​റ​ഞ്ഞു.