തൃ​ശൂ​ർ നഗരത്തിൽ ഗതാഗത പരിഷ്‌കാരം

തൃ​ശൂ​ർ: തൃ​ശൂ​ർ കോ​ർ​പ​റേ​ഷ​ൻ പ​രി​ധി​യി​ലെ പു​തു​താ​യി പ​ണി​തീ​ർ​ത്ത പ​ട്ടാ​ളം റോ​ഡി​ലും ജ​യ ബേ​ക്ക​റി ജ​ങ്​​ഷ​നി​ലും പോ​സ്​​റ്റ്​ ഓ​ഫി​സ് റോ​ഡി​ലും പ​രീ​ക്ഷ​ണാ​ടി​സ്ഥാ​ന​ത്തി​ൽ വെ​ള്ളി​യാ​ഴ്​​ച മു​ത​ൽ ട്രാ​ഫി​ക് പ​രി​ഷ്‌​ക​ര​ണം നി​ല​വി​ൽ​വ​രും.

നി​ല​വി​ൽ റൗ​ണ്ട് (വ​ട​ക്ക്) ഭാ​ഗ​ത്തു​നി​ന്ന്​ വ​രു​ന്ന വാ​ഹ​ന​ങ്ങ​ൾ എം.​ഒ റോ​ഡി​ലൂ​ടെ ജ​യ ബേ​ക്ക​റി ജ​ങ്​​ഷ​ൻ വ​ഴി ശ​ക്ത​ൻ സ്​​റ്റാ​ൻ​ഡ് ഭാ​ഗ​ത്തേ​ക്കാ​ണ് പോ​യി​ക്കൊ​ണ്ടി​രി​ക്കു​ന്ന​ത്. ഈ ​റൂ​ട്ടി​ൽ ര​ണ്ടു ഭാ​ഗ​ത്തേ​ക്കും വാ​ഹ​ന​ങ്ങ​ൾ പോ​കു​ന്ന വി​ധ​ത്തി​ൽ റൗ​ണ്ട് (വ​ട​ക്ക്) ഭാ​ഗ​ത്തു​നി​ന്ന് വ​രു​ന്ന വാ​ഹ​ന​ങ്ങ​ൾ ഇ​ട​തു​വ​ശം (കി​ഴ​ക്ക്) ചേ​ർ​ന്ന് ശ​ക്ത​ൻ സ്​​റ്റാ​ൻ​ഡി​ലേ​ക്ക് പോ​വു​ക​യും ശ​ക്ത​ൻ സ്​​റ്റാ​ൻ​ഡ് ഭാ​ഗ​ത്തു​നി​ന്ന്​ വ​രു​ന്ന ചെ​റു​വാ​ഹ​ന​ങ്ങ​ൾ ഇ​ട​തു​വ​ശം (പ​ടി​ഞ്ഞാ​റ്) ചേ​ർ​ന്ന് എം.​ഒ റോ​ഡി​ലേ​ക്ക് പ്ര​വേ​ശി​ക്കു​ക​യും ചെ​യ്യും.

പോ​സ്​​റ്റ്​ ഓ​ഫി​സ് റോ​ഡി​ൽ​നി​ന്ന് ജ​യ ബേ​ക്ക​റി ജ​ങ്​​ഷ​നി​ലൂ​ടെ ഹൈ​റോ​ഡി​ലേ​ക്കും ഹൈ​റോ​ഡി​ൽ​നി​ന്ന്​ പോ​സ്​​റ്റ്​ ഓ​ഫി​സ് റോ​ഡി​ലേ​ക്കും മെ​യി​ൻ റോ​ഡി​ലൂ​ടെ ക്രോ​സി​ങ്​ അ​നു​വ​ദി​ക്കി​ല്ല.

പോ​സ്​​റ്റ്​ ഓ​ഫി​സ് റോ​ഡി​ൽ​നി​ന്ന് വ​രു​ന്ന വാ​ഹ​ന​ങ്ങ​ൾ​ക്ക് എം.​ഒ റോ​ഡി​ലേ​ക്ക് പ്ര​വേ​ശ​നം അ​നു​വ​ദി​ക്കി​ല്ല. ശ​ക്ത​ൻ സ്​​റ്റാ​ൻ​ഡ് ഭാ​ഗ​ത്തു​നി​ന്ന്​ വ​രു​ന്ന വാ​ഹ​ന​ങ്ങ​ൾ​ക്ക് പോ​സ്​​റ്റ്​ ഓ​ഫി​സ് റോ​ഡി​ലേ​ക്ക് പ്ര​വേ​ശി​ക്കാം. ഹൈ​റോ​ഡ് ഭാ​ഗ​ത്തു​നി​ന്ന്​ വ​രു​ന്ന വാ​ഹ​ന​ങ്ങ​ൾ​ക്ക് ജ​യ ബേ​ക്ക​റി ജ​ങ്​​ഷ​ൻ വ​ഴി ഇ​ട​തു​വ​ശം ചേ​ർ​ന്ന് ശ​ക്ത​ൻ ഭാ​ഗ​ത്തേ​ക്ക് പോ​കാ​മെ​ന്നും​ സി​റ്റി പൊ​ലീ​സ് അ​റി​യി​ച്ചു.