എ​ൻ.​എ​ച്ച്. ക​രാ​റു​കാ​രു​ടെ അ​നാ​സ്ഥ: അ​പ​ക​ട​ക്കെ​ണി​യാ​യി റോ​ഡ്

മ​തി​ല​കം: ദേ​ശീ​യ​പാ​ത നി​ർ​മാ​ണ ക​രാ​റു​കാ​രു​ടെ അ​നാ​സ്ഥ​യെ തു​ട​ർ​ന്ന് റോ​ഡി​ലെ ഗ​ർത്തത്തി​ൽ വീ​ണ് പ​രി​ക്കേ​ൽ​ക്കു​ന്ന​വ​രു​ടെ എ​ണ്ണ​മേ​റു​ന്നു. മ​തി​ല​കം പാ​ല​ത്തി​ന് സ​മീ​പ​മാ​ണ് റോ​ഡി​ലെ ഈ ​ദു​ര​വ​സ്ഥ. ദേ​ശീ​യ​പാ​ത ആ​റു​വ​രി പാ​ത​യാ​യി വി​ക​സി​പ്പി​ക്കു​ന്ന​തി​ന്‍റെ ഭാ​ഗ​മാ​യി ബൈ​പ്പാ​സ് പാ​ലം ക​ട​ന്നു​വ​രു​ന്ന ഭാ​ഗ​ത്താ​ണ് ഗർത്തം രൂ​പ​പ്പെ​ട്ട​ത്. മ​തി​ല​കം-​ഇ​രി​ങ്ങാ​ല​ക്കു​ട റോ​ഡി​ൽ കു​റു​കെ വെ​ട്ടി​പൊ​ളി​ച്ച​താ​ണ് അ​പ​ക​ട​ക്കെ​ണി​യാ​യ​ത്.

ക​ഴി​ഞ്ഞ ദി​വ​സം ഗർത്തത്തിൽ വീ​ണ ബൈ​ക്ക് യാ​ത്രി​ക​ന് സാ​ര​മാ​യി പ​രി​ക്കേ​റ്റി​രു​ന്നു. ബൈ​ക്ക് യാ​ത്രി​ക​രാ​യ ദ​മ്പ​തി​ക​ളും അ​പ​ക​ട​ത്തി​ൽ​പ്പെ​ട്ട​താ​യി ദൃ​ക്സാ​ക്ഷി​ക​ൾ പ​റ​ഞ്ഞു. വാ​ഹ​ന​ങ്ങ​ൾ​ക്ക് കേ​ടു​പാ​ട് സം​ഭ​വി​ക്കു​ന്നു​മു​ണ്ട്. റോ​ഡി​ലെ ദു​ര​വ​സ്ഥ ക​ണ്ട് സ​മീ​പ​വാ​സി കു​ഞ്ഞു​മു​ഹ​മ്മ​ദ് മ​ണ്ണ് വെ​ട്ടി​യി​ട്ട് താ​ൽ​ക്കാ​ലി​ക പ​രി​ഹാ​ര​ത്തി​ന് ശ്ര​മി​ച്ചെ​ങ്കി​ലും മ​ഴ​യെ തു​ട​ർ​ന്ന് ഫ​ല​മി​ല്ലാ​താ​യി. റോ​ഡ് പൊ​ളി​ച്ചി​ട്ടി​ട്ട് മാ​സ​ങ്ങ​ളാ​യി. ക​രാ​റു​കാ​ർ ആ​ദ്യ​ത്തി​ൽ മെ​റ്റ​ൽ വി​രി​ച്ചെ​ങ്കി​ലും ദി​വ​സ​ങ്ങ​ൾ​ക്ക​കം പ​ഴ​യ​പോ​ലെ​യാ​യി.​ തു​ട​ർ​ന്ന് പ​ല​വ​ട്ടം ക​രാ​റു​കാ​രോ​ട് പ​റ​ഞ്ഞെ​ങ്കി​ലും ഗൗ​നി​ക്കു​ന്നി​ല്ല​ത്രേ. പ​രി​ഹാ​ര​ത്തി​ന് അ​ധി​കാ​രി​ക​ൾ ഇ​ട​പ്പെ​ട​ണ​മെ​ന്നാ​ണ് പൊ​തു​ജ​നാ​വ​ശ്യം.