സൗ​ക​ര്യ​ങ്ങ​ൾ പ​രി​മി​തം;ഐ​രാ​ണി​ക്കു​ളം കു​ടും​ബ ആ​രോ​ഗ്യ കേ​ന്ദ്രം വി​പു​ലീ​ക​രി​ക്ക​ണം

മാ​ള: സൗ​ക​ര്യ​ങ്ങ​ൾ പ​രി​മി​ത​മാ​യ ഐ​രാ​ണി​ക്കു​ളം കു​ടും​ബ ആ​രോ​ഗ്യ കേ​ന്ദ്രം വി​പു​ലീ​ക​രി​ക്ക​ണ​മെ​ന്ന് ആ​വ​ശ്യം. ഇ​വി​ടെ കി​ട​ത്തി ചി​കി​ത്സ ആ​രം​ഭി​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ടു​ന്നു. ഐ​രാ​ണി​ക്കു​ള​ത്ത് പ്ര​വ​ർ​ത്തി​ക്കു​ന്ന കു​ഴൂ​ർ പ​ഞ്ചാ​യ​ത്ത് കു​ടും​ബാ​രോ​ഗ്യ കേ​ന്ദ്ര​ത്തി​ൽ പ്ര​ദേ​ശ​ത്തെ നി​ര​വ​ധി പേ​രാ​ണ് ചി​കി​ത്സ തേ​ടി​യെ​ത്തു​ന്ന​ത്. ഒ.​പി വി​ഭാ​ഗ​ത്തി​ൽ ര​ണ്ട് ഡോ​ക്ട​ർ​മാ​ർ നി​ല​വി​ലു​ണ്ട്.

നേ​ര​ത്തേ ഇ​ത് പ്രാ​ഥ​മി​ക ആ​രോ​ഗ്യ കേ​ന്ദ്ര​മാ​യി​രു​ന്നു. 1990ൽ ​ശി​ലാ​സ്ഥാ​പ​നം ന​ട​ത്തി 1993ൽ ​നി​ർ​മി​ച്ച പ​ന​മ്പി​ള്ളി ഗോ​വി​ന്ദ​മേ​നോ​ൻ സ്മാ​ര​ക കെ​ട്ടി​ടം പ​ഴ​യ പ്രാ​ഥ​മി​കാ​രോ​ഗ്യ കേ​ന്ദ്ര​ത്തി​നു സ​മീ​പ​മാ​ണ്. ഇ​തി​ൽ 12 ബെ​ഡു​ക​ളു​ള്ള ഐ.​പി വി​ഭാ​ഗം നി​ല​നി​ന്നി​രു​ന്നു​വെ​ങ്കി​ലും പി​ന്നീ​ട് നി​ല​ച്ചു. വി​പു​ലീ​ക​ര​ണ​ത്തി​ന്റെ ഭാ​ഗ​മാ​യി ഇ​തി​നോ​ട് ചേ​ർ​ന്ന് പു​തി​യ കെ​ട്ടി​ടം നി​ർ​മി​ക്കാ​ൻ ടി.​എ​ൻ. പ്ര​താ​പ​ൻ എം.​എ​ൽ.​എ​യു​ടെ ശ്ര​മ​ഫ​ല​മാ​യി 2015ൽ 60 ​ല​ക്ഷം രൂ​പ അ​നു​വ​ദി​ച്ചി​രു​ന്നു. കൂ​ടു​ത​ൽ സൗ​ക​ര്യ​ങ്ങ​ൾ ഏ​​ർ​പ്പെ​ടു​ത്തു​മെ​ന്ന് ആ​രോ​ഗ്യ വ​കു​പ്പ് പ്ര​ഖ്യാ​പി​ക്കു​ക​യും ചെ​യ്തി​രു​ന്നു. ഇ​തി​ന്റെ ഭാ​ഗ​മാ​യി 2020 ലാ​ണ് കു​ടും​ബാ​രോ​ഗ്യ കേ​ന്ദ്ര​മാ​യി ഉ​യ​ർ​ത്തി​യ​ത്. ദി​നം​പ്ര​തി 250 രോ​ഗി​ക​ളാ​ണ് കേ​ന്ദ്ര​ത്തി​ൽ എ​ത്തു​ന്ന​ത്.

എ​ന്നാ​ൽ കി​ട​ത്തി ചി​കി​ത്സ​ക്ക് 30 കി.​മീ​റ്റ​ർ ദൂ​രെ​യു​ള്ള ആ​ലു​വ, ചാ​ലാ​ക്ക, ചാ​ല​ക്കു​ടി, കൊ​ടു​ങ്ങ​ല്ലൂ​ർ എ​ന്നി​വി​ട​ങ്ങ​ളി​ലെ ആ​ശു​പ​ത്രി​ക​ളി​ലെ​ത്ത​ണം. പ​ത്ത് കി.​മീ​റ്റ​ർ ദൂ​രെ മാ​ള സാ​മൂ​ഹി​കാ​രോ​ഗ്യ​കേ​ന്ദ്രം നി​ല​വി​ലു​ണ്ടെ​ങ്കി​ലും മ​തി​യാ​യ ചി​കി​ത്സാ സം​വി​ധാ​ന​ങ്ങ​ൾ ഇ​വി​ടെ​യു​മി​ല്ല.

ഐ​രാ​ണി​കു​ളം, താ​ണി​ശ്ശേ​രി, തി​രു​മു​ക്കു​ളം, മ​ട​ത്തും​പ​ടി, പാ​റ​പ്പു​റം, കു​ണ്ടൂ​ർ എ​ന്നി​വി​ട​ങ്ങ​ളി​ലു​ള്ള​വ​ർ​ക്കാ​ണ് കി​ട​ത്തി ചി​കി​ത്സ​ക്ക് ദൂ​രെ​യു​ള്ള ആശുപ​ത്രികൾ തേ​ടി​പ്പോ​കേ​ണ്ട ഗ​തി​കേ​ട്. അ​ധി​കൃ​ത​രു​ടെ അ​വ​ഗ​ണ​ന​യി​ൽ ക​ഴി​യു​ന്ന ഈ ​ആ​രോ​ഗ്യ കേ​ന്ദ്ര​ത്തെ വി​പു​ലീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​ണ്. കി​ട​ത്തി ചി​കി​ത്സ ആ​രം​ഭി​ക്കു​മ്പോ​ൾ ഐ.​പി ബ്ലോ​ക്കാ​യി പ​ഴ​യ കെ​ട്ടി​ടം ഉ​പ​യോ​ഗ​പ്പെ​ടു​ത്താ​നാ​വും.