55 ഗ്രാം കഞ്ചാവുമായി യുവാവ് പിടിയിൽ

ചെറുതുരുത്തി: വിൽപനക്കായി സൂക്ഷിച്ച 55 ഗ്രാം കഞ്ചാവുമായി യുവാവിനെ ചെറുതുരുത്തി എസ്.ഐ പി.ബി. ബിന്ദുലാലും സംഘവും അറസ്റ്റ് ചെയ്തു. രഹസ്യ വിവരത്തെ തുടർന്നാണ് വള്ളത്തോൾ നഗർ ഗ്രാമ പഞ്ചായത്തിലെ ഫാമിലി ഹെൽത്ത് സെന്ററിന് സമീപമുള്ള ഫ്ലാറ്റിൽ താമസിക്കുന്ന ചെറുതുരുത്തിപൊട്ടിക്കുണ്ടിൽ വീട്ടിൽ മുഹമ്മദ് ഷെരീഫ് എന്ന ഷാജിയെ (44) അറസ്റ്റ് ചെയ്തത്. എസ്.ഐ പി.ജെ. രാജേഷ്, എ.എസ്.ഐ ഇ.വി. സുബാഷ്, എസ്.സി.പി.ഒമാരായ രംഗരാജ്, ടി.എ. ഡെയ്സി എന്നിവരും സംഘത്തിലുണ്ടായിരുന്നു.