നിരോധിത പുകയില ഉൽപന്നങ്ങളുമായി അറസ്റ്റിലായ മഹേഷ്, സുനിൽകുമാർ എന്നിവർ പൊലീസ് ഉദ്യോഗസ്ഥർക്കൊപ്പം
ചെറുതുരുത്തി: ഓപറേഷൻ തൂഫാന്റെ ഭാഗമായി പൊലീസ് നടത്തിയ പരിശോധനയിൽ പുതുശ്ശേരിയിൽനിന്ന് കഞ്ചാവ് പിടികൂടി. ദേശമംഗലത്ത് ആയുർവേദ മരുന്ന് കടയുടെ മറവിൽ നിരോധിത പുകയില ഉൽന്നങ്ങൾ വിൽപ്പന നടത്തിയവരെയും ചെറുതുരുത്തി പൊലീസ് പിടികൂടി. കഞ്ചാവ് കേസിൽ ചെറുതുരുത്തി പുതുശ്ശേരി സ്വദേശി തൈക്കാട്ടുതൊടി വീട്ടിൽ ഉമേഷിനെ (36) അറസ്റ്റ് ചെയ്തു. ദേശമംഗലം ഹയർ സെക്കൻഡറി സ്കൂളിന് സമീപം ആയുർവേദ മരുന്ന് കടയുടെ മറവിൽ നിരോധിതപുകയില ഉൽപന്നങ്ങൾ വിൽപ്പന നടത്തിയിരുന്ന ദേശമംഗലം പല്ലൂർ കുളപ്പുരക്കൽ വീട്ടിൽ മഹേഷിനെയും (39) ദേശമംഗലം കക്കിരിയ്യത്ത് വീട്ടിൽ സുനിൽകുമാറിനെയും (48) അറസ്റ്റ് ചെയ്തു.
പ്രതികളിൽ നിന്ന് 500ഓളം നിരോധന പുകയില പാക്കറ്റുകൾ പിടിച്ചെടുത്തു. ചെറുതുരുത്തി സർക്കിൾ ഇൻസ്പെക്ടർ രാജേന്ദ്രൻ നായർ, എസ്.ഐ ആന്റണി ക്രോംസൺ അരൂജ, എസ്.ഐ ബാബു, സീനിയർ സിവിൽ പൊലീസ് ഓഫിസർമാരായ വിനീത് മോൻ, പ്രശോഭ്, ഡിജോ വാഴപ്പിള്ളി, സനൽ, സി.പിചഒ ഗിരീഷ് ഷമീം, ശ്രുതി, പിയുഷ എന്നിവരാണ് പ്രതികളെ വലയിലാക്കിയത്. മൂന്നു പ്രതികളെയും കോടതിയിൽ ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.