തളർന്നു കിടക്കുന്ന നൗഫലിനരികെ മാതാവ്
ചെറുതുരുത്തി: മകനെ ജീവിതത്തിലേക്ക് കരകയറ്റാൻ സുമനസ്സുകളുടെ കാരുണ്യം തേടി കുടുംബം. ദേശമംഗലം തലശ്ശേരി അത്താണിക്കൽ വീട്ടിൽ ബഷീറി‍െൻറയും ഷുക്കൈനത്തി‍െൻറയും മൂന്നാമത്തെ മകൻ നൗഫലി‍െൻറ (22) ചികിത്സക്കുള്ള പണം കണ്ടെത്താനാണ് കുടുംബം സുമനസ്സുകളെ തേടുന്നത്. മൂന്ന് വർഷം മുമ്പ് ബൈക്കപകടത്തിൽ തലക്ക് ക്ഷതമേറ്റ് സംസാരിക്കാൻ പറ്റാത്ത അവസ്ഥയിലാണ് നൗഫൽ. ഭക്ഷണം ട്യൂബിലൂടെയാണ് നൽകുന്നത്. ഇതിനകം നാല് വലിയ ശസ്ത്രക്രിയ നടന്നു.
കൂലിപ്പണിക്കാരനായ ബഷീറും സഹോദരനും ചേർന്ന് ഏറെ കഷ്ടപ്പെട്ടാണ് അതിന് പണമുണ്ടാക്കിയത്. മാസത്തിൽ 30,000 രൂപ മരുന്നിന് മാത്രം വേണം. ഇതിനകം 20 ലക്ഷം രൂപ ചികിത്സക്ക് ചെലവായി. ഇനിയും രണ്ട് ശസ്ത്രക്രിയ വേണമെന്നാണ് ഡോക്ടർമാർ പറയുന്നത്. ചികിത്സക്കായി കിടപ്പാടം ബാങ്കിൽ പണയം വെച്ച് ജപ്തി ഭീഷണി നേരിടുകയാണ് കുടുംബം. നാട്ടുകാർ ചികിത്സ സഹായ സമിതി രൂപവത്കരിച്ചിട്ടുണ്ട്. നൗഫലിന് വേണ്ടി സഹോദര‍െൻറ പേരിൽ എസ്.ബി.ഐ തൃക്കണപതിയാരം ബ്രാഞ്ചിൽ അക്കൗണ്ടും എടുത്തു. അക്കൗണ്ട് നമ്പർ: 67304089921. IFSC: SBIN0070920. ഗൂഗ്ൾ പേ/ഫോൺ പേ നമ്പർ: 7907921512, 7034517767.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.